本來行動一直成功,可惜人算不如天算,在毫無先兆的一天,講師發現點名人數和出席人數相差太遠,於是進行二次點名,而那天剛剛是由我勤務銅鑼灣,就是這樣「斷正」!由於我是點完名後再被捕,屬於蓄意製造虛假出席率,所以SAO對我的處罰是褫奪我那科的考試資格,即是堂可以繼續上(癡線,根本隨時都可以入去sit-in),但就不准參加考試,不能考試即是沒有學分,由於是必修科,唔可能隨便drop,唯有焗住retake了。
 
想起去年那本《Jump》所引起的後果,我不禁抱怨。「唉~點解偏偏選中我呢,明明已經畀面親身點埋名先走,咁有誠意,唔應該判咁重呀。嗰啲陀衰家,瞓過龍直頭無返先應該用極刑啦。」我叫起大人冤枉。
 
「算啦,仲呻咩呢,唔係你中就我中㗎啦,你咪當識多一班同學囉。」Leon完美地回應了昨天早上串我的言論。
 
「唉~」我再嘆一聲,看來只能認命了。「呀,尋日人生路不熟,好彩撞到馬飛咋。」
 
「嘿,嗰條粉皮!咁有電話號碼未呢?」每個人聽到馬飛個名,幾乎都是指定對白,Leon也不例外。
 


「有條毛!我懷疑呢一世都唔會有。」我滿有信心的回應。
 
「唏,呢位兄台,此言差矣。」背後傳來馬飛的聲音,一講粉皮,條粉皮就到。
 
「門小你,咁黎G呢?」我頭也不回的跟馬飛說。
 
「唏,衰嘢唔好講住,我過嚟搵人嘅,見唔見阿May呢?」馬飛左盼右顧的扯開話題。
 
「喂,你條仆街聽日記得過嚟『眾義堂』開會喎。」Leon也搭嘴啄了馬飛一嘢。

已有 0 人追稿