吓!?之前花那麼多精神去準備的計劃書,剛才用心去解說流程,現在居然乾脆一嘢推倒,徹底否定,看來這個問題已經變得有點歇斯底里了,當然Leon他們仍耐著性子繼續解釋。
 
可是該名幹事仍未罷休:「你哋無搞過活動,隨時將所有贊助倒落海,到時我唔信你哋仲有能力可以再搞。」確實如果連父幹姐幹贊助費這招大絕都出埋,恐怕真的再無後著了。
 
這時負責財務解說的娘娘霸氣反擊:「我哋所有內閣成員都對計劃書有信心,而且我哋嘅贊助者都持有相同的立場,所以我哋唔會改用上年舊版本,至於閣下認為新計劃書仍有財務風險,收入以至贊助費都有可能不敷應用,我哋仍有後備方案嘅。」
 
大概前任幹事無想過會有人夠膽頂撞,不期然窒了一下,但仍然死撐:「如果仲有後備方案,點解唔一早寫埋落報告呢。嘿,你個莊改名『泥菩薩』啦。」似乎睇死他們無可能再有新錢變出來,情況充滿火藥味。
 
娘娘朝Leon打了一下眼色,Leon會意並乾咳一聲:「咳…其實我哋係仲有贊助嘅,只係我哋唔太想咁快麻煩到呢個單位啫,因為佢哋嘅審批會再嚴格啲。萬一…」
 


「喂阿同學,即係無啦,無咪話無囉,道個歉唔使死嘅,咪用返我哋個計劃書囉。」前任幹事打斷Leon的發言,繼續舊追猛打,而他身旁的老仙們也在推波助瀾。

已有 0 人追稿