《我老婆唔係我女朋友》【那些年／日常／校園】 第一至三章: 【第二章】 愛・失 聯（２）
午後第一節課過了一半，我幾次遠眺車頭方向，仍未見到阿心的芳蹤，不禁有點擔心。想想不如先向馬飛收風，看他會否有我不知道的情報。「喂，好似唔見阿心返學噉嘅？」我低聲的問道。
馬飛正在跟旁邊的同學吹水吹得起勁，聞言也望望前方：「啊？好似真係唔見喎，可能無返呢，你又噉緊張做乜啫？」一副陰陰嘴嘲笑的表情。
我幾乎想一巴掌車埋出，只好隨便找個藉口：「收皮啦你，佢係總書記嘛，我緊張啲筆記咋，你鹵味！」
「唏，問其他人影印返咪得囉，隨便阿蘇菲都有啦。」馬飛貌似相信我的解釋，隨即指向同是車頭份子的蘇菲。我見問不到有用的情報，也就不再作聲了。正當我在胡思亂想，擔心她是不是有意外之際，馬飛在旁邊搭了句嘴：「原來我哋都無阿心屋企電話喎，想打去問候吓都唔得添。」
仆街！我赫然醒起昨晚居然忘記「抄牌」！
那些年，互聯網仍然初始於用modem上網的日子，無論是初代或二代的手提電話如「大哥大」、「天地線」或「步步通」之類，都不是我們這些廢青所能負擔的，甚至極為普及的傳呼機（Call機）也是少部份有家底或固定兼職的同學才有。因此當年所謂的「抄牌」其實仍然止於抄屋企電話而已。
和記天地線廣告。
https://youtu.be/CEet9BfMj3M
其士步步通廣告。
https://youtu.be/joDvBX2eDHs
一想到連唯一的聯絡途徑都沒有，我幾乎崩潰，點算好、點算好？