《我老婆唔係我女朋友》【那些年／日常／校園】 第一至三章: 【第二章】 龍珠，九龍城都有啦（１）
龍珠，九龍城都有啦
「吓，睇《龍珠》？」當時無論是《龍珠》或是《聖鬥士星矢》，電視都先後熱播，就算是村姑都略有所聞。
「去【龍珠商場】呀，前一個街口咋。」我再次沒好氣的說。
由於鄰近啟德機場（有人會覺得九龍城是個神奇的地方，飛機貼著頭頂飛過，可是我倆都是石硤尾街坊，從小到大頭頂都有飛機飛過，麻木了），附近又名校林立，所以當時【龍珠商場】人流是相當興旺的，聞說有日本遊客落機後，直接由機場過來朝聖，買「破解版」遊戲機兼順便抄game，因此當年的【龍珠】，名氣比得上深水埗的【高登】或是旺角【信和】，只可惜商場面積太細，發展規模受局限。
離開書店經過【樂口福】，在太子道西轉右，行前一個街口到獅子石道交界，就是【龍珠商場】了，這三層高連地庫的商場有卅多間舖，地庫是超級市場，地面那層（唔知點解叫一樓）雲集了幾家電腦砌機舗（入門處有個大橫額寫著【龍珠商場電腦城】），上一層（1/F叫二樓）的店舖種類繁多，有賣游戲和CD的、影印的、遙控車、賣漫畫和租書店都有，而最頂層則集中售賣電視和電腦游戲，以及周邊產品了，這幢集合所有「宅嗜好」的商場，也是九龍城區各大、中、小學生課餘的消閒集散聖地。
