《我老婆唔係我女朋友》【那些年／日常／校園】 第一至三章: 【第三章】 May the Force be with you（３）
唔知點解我突然想起《星球大戰》的劇情，Obi-wan mind trick啲stormtrooper（白兵，都話我似做「兵」啦）。
Obi-Sum（force mode）
白「兵」 你今晚好想出街，起碼出到11點嘅，係咪？ 我今晚真係好想出街，起碼出到11點。 你今晚好想送阿心返屋企嘅，係咪？ 我今晚真係好想送阿心返屋企。話說以前電視台每逢大時大節，必定會重播《星球大戰》三部曲（今天稱為四五六部曲吧），聖誕新年就一定是《國王與我》、《仙樂飄飄處處聞》，因為當年看電視幾乎是唯一的娛樂，所以如我這般年紀的小朋友，「起碼」已經重睇《星戰》系列接近十次，熟悉程度幾乎連對白，甚至呼吸位都記得一清二楚，雖然我的英語能力超廢，可是《Star Wars》的英語對白卻能朗朗上口。唉～如果會考有咁好記性，我入咗「三大」䟴䟴腳啦…
在這場少男少女攻防戰中，試問當Jedi對上Stormtrooper，戰力懸殊是常識唔使講了吧，毫無疑問我已經落在絕對的下風了。
I have a bad feeling about this…
話口未完，我已經潰不成軍，無奈兼面容扭曲地呻吟：「我唔知點解今晚突然好想出街喎，又唔知點解會去到11點嘅，最唔明我又覺得好危險想妳送我喎，噉女俠妳認為我去邊度行街好呢？」
我一邊說她已經一邊咭咭笑，到最後更笑過不停：「嘻嘻…哈…我都話你想出街㗎啦…哈哈…我哋有個舊同學住【灣大】Hall，佢話唔想太遲返去，所以我哋今晚去灣仔嗰頭食飯，不如就喺鵝頸橋消防局等啦，好嘛？」我基本上是沒有能力反抗的，除了說好還可以怎樣。【灣大】就是【灣區大學】，貴為本地三大高等學府之首，多少人打生打死都是為了入【灣大】。