Lulu現在就讀【肉園】教育文憑Year 2,她毫不避忌的跟我說就是貪教書的起薪點高,而且最!最!最重要的是「半日安」,當年小學仍是半日制,基本上就是工作半天但𢭃全天人工,勁筍~

相比今天老師們的工作壓力,再加上君臨天下的「紅潮風暴」,工作環境和氣候比之當年,簡直是天堂與煉獄的分別。Lulu妳今天還好嗎?

大部份時間也是聽她說中學時跟阿心的往事,我只能偶爾插嘴,有一句沒一句的搭訕著,不過由其他人口中聽到有關「她」的過去,有一種偷窺別人的人生的感覺,既新鮮又令我可以進一步瞭解她。

Lulu中、小學時也是石硤尾的街坊,現在已舉家搬到沙田了,似乎這兩個女生相當親密,常常也聽到她們聯袂同行,去旅行、逛街、搞學校活動等,中學時被改花名,阿心是小雲(原來「小雲篤屎」先係正字,唔怪得咁大反應了…)就無懸念啦,她自己就是Lu竹,身材又高又瘦似「碌竹」喎。

除了兩個女生的日常小事外,她亦不忘「盤」吓我跟阿心的關係。咦?睇嚟Leon口中的姊妹小組初賽開波囉喎。



我 
Lulu 

 你哋喺啲學會活動認識㗎?
 唔是呀,大家同學嚟嘅。

 淨係同學咋咩?😏

 同一科同學呀~😓

 哦…噉識咗幾耐呢?


 今個Sem開學到而家囉。

 你咁啱又會住石硤尾呢?
 堅㗎,真係咁啱,由細到大都係喺【左顯記】嗰頭…

 噉你一定去過【大力水手】,佢哋啲炸雞脾真係…😋
(下刪100字)

其中最難答的質詢。

 點解你又會嚟舞會嘅?


 阿心叫我陪佢嚟嘅,我又無嘢做。

 你都幾好喎,噉都肯陪佢嘅?
 🙄
 誒…非自願又不反對噉啦。
   
幸好捱過答問環節後,她又繼續天地玄黃、宇宙洪荒的自由發揮了。

在大堂梳化「聽」了Lulu說話差不多半小時後,她的partner來到了,是個身高有180的高大男生,仆街啲人食乜嘢大㗎,生得愈來愈高嘅…他戴著紫色的襟花,Lulu也沒有特別介紹,只跟我說聲拜拜,逕自行出去拉他入場了。

已有 0 人追稿