《我老婆唔係我女朋友》【那些年／日常／校園】 第一至三章: 【第三章】 人形狼狗起搏器（３）
一起站起來我才看清楚，她穿了件四分袖玫瑰紅的絲滑面開領上衣（幸好V領不深），下面罕有的襯了條黑色短裙，這是我第一次見她穿短裙的（大家不用問了，她沒有42吋長腿的），畀啲狗公見到仲得了？！「嘩，發姣呀妳，著短裙咁戰鬥格嘅？又搽晒香水噉？」
她回頭嫣然一笑，似是意會到我話中的不滿：「嘻嘻，睇清楚先啦，裙褲嚟㗎，你成晚陪住我㗎嘛，怕咩喎。阿妹借咗啲淡香薰我噴囉，佢話化咗妝噴啲好喎。」你話死唔死，麻甩到香水都要問細妹借。
我繼續發牢騷：「仲好講，咁耐先出嚟，再遲啲Lulu講完中學生活，開始講小學嘞。」
「知喇知喇，我都唔想咁耐㗎，頭先蘇菲拉住我幫手招呼人嘛，有人請我跳舞我都無理㗎喇，唔好扭計啦。」她說時一臉無奈和抱歉。
聽到真的有人請她跳舞，我有點不自在，目睹她的最新「造型」後，我幾敢肯定今晚阿心會成為人形「狼狗起搏器」——瘋狂地刺激所有狗公的心臟（包括我這肥狗），不過既然她懂得拒絕（雖然唔知關唔關事，我也慶幸有事先提醒無知少女），總算放下心事吧，暗自決定了今晚一定粘在她旁邊，不能再讓狗公有機會親近她。