「傻瓜,味一齊就諗住要我嫁比你丫?傻左咩你!」Jessica笑住咁講,我靜左一靜,之後慢慢咁講出原因,「雖然同你相處唔耐,但同你一齊我真係好安心,無論咩時候,你都係扮演住開心果咁哄我開心,無論發生左咩事,你都企係我身邊陪住我,有你係我身邊真係好好,可以既話,我想將你永遠留係我身邊,所以我先想加咁既條件。」
Jessica聽完之後笑左一笑,「咁點解要係九年丫?」好奇寶寶又出黎,我語氣心腸咁講「大佬丫,家陣你先17炸,而我就19歲,點睇都唔似到左結婚年齡啦,況且結婚係一生得一次既事,最少對我黎講係咁,所以我希望可以比一個你畢生難忘既婚禮比你,因此錢好重要,冇錢又點比到畢生難忘既婚禮你呢。呢九年係用黎比我草老婆本嫁,等我可以風光咁娶你番去。」
我的媽啊,估唔到我竟然可以講得出咁感人既說話,我望一望Jessica,見佢已經眼紅紅咁,我大聲叫「你唔係又想喊哇?」,真係衰多口,一講完,Jessica就開始喊,仲要係收唔到聲果隻。雖然時間仲早,但街上好多人已經望住我地,我拖住Jessica走,一邊行,一邊幫佢抹眼淚。
到左m記門口,Jessica終於唔喊,而且仲講左句,令我開心左好耐既句子「合約正式生效」