比我打到見紅既人兄,訓左係地,不斷叫好痛好痛,而我比佢慘叫既聲音,挑起左心入邊隻惡魔,佢不斷叫,我就不斷踩佢,突然間,門口果到聽到有人叫「警察,咪郁。」
我停左手,企埋一邊,差佬行埋黎,見條mk暈左,好明顯比我打暈啦,我當場斷正,差佬話「唔洗講啦,人都打暈埋,跟我番警局啦。」我以一個不出我所料既態度去問佢「入左有冇機出番黎?」差佬以一個好串既眼神望住我講「驚就咪打到人咁啦,不過,佢唔告你就應該冇事既!」
「丫sir ,走之前可唔可以同女朋友打聲招呼先?」我好冷靜咁問丫sir,丫sir答左兩個字,要快。我行埋去Jessica到,正當我想講野既時候,Jessica一巴打埋黎,佢冇講咩,因為佢喊得好勁,我右邊面紅到好似比火燒,但我冇怪佢,我攬住左佢,係佢耳邊細細聲咁講「對唔住,唔好怪我好冇?我知我衝動,但我唔想係你眼中見到害怕呢兩隻字,因為萬大事有我丫k,天就算係跌落黎,我都會幫你頂住,因為我愛你,所以為你做盡一切任何事都冇所謂,原諒我既自私好冇?仲有,如果我真係因為咁要入去坐,答應我,揾果個,唔好等我,因為坐過既人,出番黎唔會比人睇得起,我唔想到時你因為我而比人睇唔起!」