原以為事情結束,一切會安好,我同Jessica會好好地一齊,誰不知,我入警局呢件事會比Jessica父母知道左,佢地既反應當然係唔希望自己個女同個咁既人一齊。就係琴日,Jessica既丫媽打黎約我天日去佢地屋企個會所到傾計,冇得我say no,所以我只好去。
下午一點,我著得靚靚仔仔咁去,以為Jessica父母只係話我幾句咁簡單,點知呢次既對話,就將我同Jessica既感情拉左落谷底。我去到會所,諗住揾下佢既父母係邊,正當我揾緊既時候,Jessica老豆出現左係我眼前,招一招手叫我過去。坐左係到之後,對話都正式開始。
「丫k,最近點?一切ok丫哇?」首先開聲既係Jessica既媽媽,「ok丫,食得好,訓得好,哈哈……」,「我地開門見山,廢話少說,我地希望你離開Jessica!」Jessica老豆終於開門,「點解我要離開佢,我做錯咩野?我有對佢唔住咩?」我面帶怒氣咁講。Jessica老豆哼左一聲,「冇話你對佢唔住,但你覺唔覺你既出現,改變左佢好多野?仲有,你入警局果兩日,你又知唔知Jessica擔心你擔心到飯又唔食,學又唔番,而且仲暈低,送左入院,一醒就衝去警局守門口,你搞到佢咁,仲叫我地點放心將佢交比你?況且,你發生左一次咁既事,難保你唔會發生第二次。」