分手後，遇上你: 如果你敢亂黎

「全名李家誠，花名二世祖，同丫k你一樣住鰂魚涌，而且仲係你屋企附近添，聽講為人好差，成日周圍識女仔，而且又抽女仔水，好多男既都好憎佢，but人地勝左家底好，而且又好鬼闊佬，成日請全班去玩，所以大家都睇在錢份上，冇出手教訓，但睇黎k哥插得手，一定唔簡單，所以麻煩丫k你唔好打咁金。」丫仁都算係咁，咁短時間有佢咁多資料，一定知道我總有一日會插手，所以一早準備定，果然夠兄弟，「得啦，遲下請你食飯，係咁先！」cut左線之後，我就去左呢條二世祖既屋企樓下，到步之後，揾左個冇咁顯眼既地方坐底，等呢個二世祖既出現。
由中午一點，一直等到晚黑八點，正當我諗住走去買個飯黎食既時候，我見到丫仁所為既二世祖，我的媽啊，一面面油，身形又勁大份，起碼四十既腰啦，個樣又成隻豬咁，我的娘丫，Jessica睇中佢乜鬼野丫。突然間，我發現呢個死肥仔旁邊，有條好鬼索既女，點講好呢，就好似Jessica咁上下，但睇睇下，發現根本就係Jessica黎。
我見到個死肥仔係咁摸Jessica既手仔，作為男人既我，點認得到自己條女比人摸丫，呢個時候，我已經忘記自己同Jessica散左，我把鬼火，跑到個肥仔前面，諗住一拳打落去佢塊面既時候，突然聽到Jessica講左句「你試下打落去，睇下後果係點！」我聽完呢句，好自然咁回左句「但個死肥仔抽你水啵，點計先？」我已經忘記曬自己同Jessica分開既事，Jessica聽完之後只係向到冷笑。