(…)
 
當初,我就是這樣和她邂逅,只記得那天...
 
那天的酒樓,很難食…
 
「軒少,下次你都係唔好揀嘢食!」啊生笑說。
 
我們在巴士下層找了一個四人位置坐下,啊生借機繼續抱怨剛才的早餐,我沒有回應,只是聳聳肩作罷。
 


「算喇,我都有份講,唔好淨係話哂啊軒喇~」嘉盈出口幫我解圍。
 
「好喇~係呢嘉盈你平時有咩做㗎?」啊生轉移打開另一個話題。
 
「冇啊,都係搵Friend出去玩,行吓街咁囉~」嘉盈說。
 
「不過我地嘅盈姐最近慘喇,要幫手搞學生會Inaug,陰公豬囉!」坐在嘉盈身旁的雅欣說。
 
說到Inaug,即就職典禮時,我瞥了啊生一眼,然後我知道…
 


「啱喇,你可以問下啊軒點解喎,佢早排先搞完。」啊生指著我說。
 
「真㗎?」嘉盈看著我的眼神就像是從我身上找到寶物似的。
 
「係啊,陣間你行山可以問下佢~」啊生說出了他的目的。
 
這樣一來,他就可以和雅欣獨處。
 
「好啊~」嘉盈說。
 


往後的路程,嘉盈和我都是跟在他們的身後,一路上她不斷的問我有關就職典禮要注意的事情。雖然她擁有女神的外表,但和她相處下來卻又不覺得壓迫。
 
「嘩,唔該軒哥,不如你過嚟幫手搞喇~」嘉盈笑說。
 
「嘩,唔好搞我喇,而啲嘢一生人玩一次好喇~」我笑說。
 
「哈,不過之後我都應該冇機會搞喇~」嘉盈說。
 
「點解嘅?」我問。
 
「冇啊,讀埋下年ASSO,我Daddy可能想叫我過外國讀書喎~」她說。
 
原來她不打算在香港升學…
 
「Rich!」我說。


 
「都未定,話唔定唔去呢~」嘉盈說。
 
「喂,你地過嚟睇吓~」我來不及回覆,因為前方的雅欣正向我們揮手。
 
我和嘉盈走到她所在的位置。
 
「陣間我地就係要去嗰到玩水喇!」雅欣指著遠方的石澳泳灘說。
 
「正!」啊生說。
 
我知道,他的「正」是別有所指。
 
「我幫你地睇住啲野~」我笑說。
 


「我陪你~」嘉盈說。
 
後來我才知道,嘉盈是怕水的。
 
沿路下山走了差不多一個多小時,終於到達今天的目的地,石澳泳灘。不一會雅欣和啊生已換好泳衣出來,只見雅欣的上圍少說也有D以上,怪不得啊生那個浪子這麼用心,這時候…
 
「軒,幫我搽吓背脊?」嘉盈說。
 
原來我身旁的嘉盈都脫了上衣,露出衣服下的Sport bra,想不到她瘦削的身型卻也有C左右的上圍。
 
「望咩啊?咸濕仔~」嘉盈紅著臉說。
 
「冇…」我接過她手上的太陽油,慢慢搽在她的背上。
 
「喂,問你樣嘢~你覺得啊生點?」嘉盈突然問。


 
「嘩,你問依啲,我好難答你喎~」我笑說。
 
「我覺得,佢太主動喇~」嘉盈突然說出對啊生的看法。
 
「我聽雅欣講,佢地識咗都唔夠一個月,就咁主動出手,感覺啊生其實都唔係好了解佢,純粹只係鍾意佢個樣,或者...」嘉盈接著說。
 
「唔…」我沒有回答,但我心底內表示十分認同。
 
「雅欣唔係對啊生冇感覺,不過好似所有嘢好似去得太快,如果你明我講咩嘅,就同啊生講下喇~」嘉盈說。
 
「我會同佢傾吓~」說罷我便放下那樽太陽油,坐在嘉盈的身旁。
 
「係呢,咁你呢?有冇對象?」嘉盈問。
 


「嘩,你問啲問題咁尖銳嘅?」我笑說。
 
「好尖銳咩?認識新朋友咋嘛~」嘉盈將語言修飾得很順耳。
 
「冇喇!隨緣喇~咁你呢?」我說。
 
「隨緣,同你一樣~」嘉盈說。
 
「冇人追你咩?」我問。
 
「有就有,不過唔多啱囉。」她說。
 
「有故仔聽?」我笑說。
 
「你個花生友!」嘉盈說罷拍了我的胸口一下。
 
「一嚟冇一個啱Feel喇,二嚟同佢地傾計好似好奇怪咁,感覺好假,唔知你明唔明…」她接著說。
 
「因為佢地都對你有求,做唔返自己,感覺咪假囉~」我嘗試分析。
 
「啱啊~」她笑說。
 
「唔緊要喇,仔死仔還在,下個更可愛!」我說。
 
「淨係搵到個好似你咁傾到計嘅人都難,唔好話搵另一半。」她說。
 
「依家你咪搵到囉~」我笑說。
 
「言下之意,即係你想講你有好大潛力做我將來嘅另一半?」她笑說。
 
「講依啲~」我詞窮了。
 
「不過,都係做朋友好啲,朋友係一世,但情人就唔一定。」嘉盈說。
 
朋友卡!?
 
「嘩,依句好用,等我咁樣同啊生講先~」我笑說,心中卻想著她剛才說的話。
 
「偷我嘢用?」她笑說。
 
「明偷喇,你可以點~」我笑著回應。
 
「咁我要收返版權費!」她笑說。
 
「有機會先~」我說。
 
「機會,係自己製造嘅~」她說。
 
當時的我以為她只是說說而已...
 
那天我們一起吃過晚飯後,雅欣和嘉盈便各自回家,而我和啊生則回到宿舍,一路上我跟他說了嘉盈和雅欣的想法。
 
「我明嘅…比啲時間佢喇~」啊生說。
 
「嘩,浪子回頭~」我說。
 
「收皮喇!話時話,你唔係話女神與你無關咩?又同人咁Friend?」啊生說。
 
「冇啊!」我說。
 
「衰仔,咁好傾都冇嘢?」啊生說。
 
「夾姐,應該唔會再聯絡喇~」我笑說。
 
「咁就難講喇,事關我啱啱開咗個Group!」啊生說。
 
「WTF?」然後我打開手機,出現兩個訊息。
 
你已被加入「好難食啊」的群組。
 
「軒哥!🤪」來自嘉盈的私訊。
 
 
我們 身邊太多假人 心中太多傷痕 等不到私奔 - 那裡只得我共你

歡迎大家follow我ig:9.shoots,果邊同連登會更新得快啲,同埋會容易覆到大家嘅留言,大家嘅follow同like都係我寫落去嘅動力嚟㗎!!!

P.S. 更新情況睇進度,應該會每日更新,除咗星期六日,聽朝10點!
已有 0 人追稿