《嗰晚，女神竟然攻擊我嘅Coin Master村莊》: O｜Coin

(…)
 
那麼她們之間到底出了什麼問題？
 
不一會她就說完回來，然後坐下。
 
「你男朋友？」我問。
 
「係啊，佢見到我重未返屋企…」她說。
 


果然。
 
「佢又知？你Post咗IG咩？」我問。
 
「咁又冇…」她回應。
 
「啱啱咪話，我同佢逃唔到時間依一個詛咒嘅？」她說。
 
「其實我兩年前同佢分過一次手…」然後緩緩道出剛才未說完的話。
 


這件事，我竟然沒有聽過。
 
「嘩，收得咁埋？」我問。
 
的確，在她的IG上，完全找不到曾分過手的痕跡，要不是她剛才跟我說，我是永遠不會知道。
 
「因為我同佢又好快一齊返…」她說。
 
「咁即係個問題唔係好大喇～」我笑說。
 


「佢同我一齊嗰陣出咗軌…」她說。
 
「所以點解佢會知我冇返到屋企，因為我同佢都裝咗個手機追蹤Apps…」她說。
 
「WTF？出軌…」我驚訝。
 
畢竟，在別人眼中天造地設的一對，很難想象竟然也會發生這樣的事情。
 
「係啊，仲要係同佢個學妹，識揀啊佢～」她笑說。
 
「識笑即係冇咩嘢喇～」我說。
 
「都唔係，放低咗唔代表冇事，總會有條刺係到，你明唔明？」她說。
 
「都明嘅，因為都聽唔少。」我說。


 
有些事情的確令人難以釋懷。
 
「咁之後呢，你地又點一齊返？」我接著問。
 
「其實，我同佢分咗手之後，都有同另一個男仔一齊…」她說。
 
WTF！今晚的資訊量太多，應該要帶紙筆記錄。
 
「我到底聽咗啲咩？」我笑說。
 
「頂你！」她只可以這樣回應。
 
「不過，其實嗰陣我都重有同佢Keep contact，都知道大家仲係鍾意大家，所以之後就一齊返。」她接著說完那個故事。
 


「咁中間隔咗幾耐？」我問。
 
「都有半年㗎～」她說。
 
「半年？咁就唔係好快一齊返喇！」我笑說。
 
「咁我同佢一齊六年咁長…」她說。
 
「咁即係最近發生嘅事，都係嗰陣嘅分手後遺症？」我問。
 
「你可以咁講。」她說。
 
「或者係咁講，我地去到一個階段，唔可以再淨係講愛情，都要諗下現實同將來。」她說。
 
對了，她和他今年都要畢業了。


 
「唔係啊，你地今年都畢業喇，有咩問題？」我問。
 
「係我畢到業，佢畢唔到業…」她說。
 
歸家的路上，我一直在梳理嘉盈今天所說的話。
 
「佢同男朋友一齊咗六年，都好鍾意大家，不過關係由愛情變成咗感情。」
 
「中間分過一次手，而且大家都有搵另一個，不過最後都係因為太鍾意大家，所以一齊返。」
 
「依家面對嘅問題，暫時已知嘅可以話係源於對將來嘅沒信心，多咗現實嘅考慮。」
 
為何我會說是暫時已知，這是因為嘉盈要趕著回家，讓那個定位軟件記錄她家的位置。
 


不過，這卻造就了我和她的下一次約會。
 
「喂☺️返到去未啊？」她問。
 
「返到喇😬」
 
「你氹掂你條仔未啊？」我問。
 
「都咁耐喇，氹乜鬼😂」她說。
 
「感情係要維繫㗎嘛😋」我說。
 
「有時淨係得我一個付出係冇用㗎，感情係雙方面😗」她說。
 
「似乎，你同佢之間，重有好多不為我知嘅秘密喎😌」我說。
 
「係㗎！講出嚟可能嚇死你🤪」她說。
 
「嘩，咁我都係唔出嚟喇🤪」我笑說。
 
「食屎喇你！」
 
「好喇我要瞓喇，今日好攰😭」     她說。
 
「好喇，後日見喇😏」我說。
 
「你快啲諗吓有咩做！」
 
「早抖！」她說。
 
對了，後天有什麼可以做呢？
 
 
慢了腳步 思索著未來 未見你在 當我轉入 成長的月台 做個記號 被繁榮下載 在人海擠擁等不到你愛 等 等一朵花會開 等不到個大概 恨你在現場沒出賽 等 絕望地等你來 列車將到站 人還未到 向明日致哀 和你將要離別了 求你不要逃避了 情愛失去價值 不夠努力 問你做過多少 時間不會停頓了 由我出發那刻 心慌了 一天黑一破曉 月台上你身影縹緲－ 在月台上等你

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！!

P.S. 更新情況睇進度，應該會每日更新，除咗星期六日，聽日見！

後日有機會冇更新啊！！！！！！！！！！