《嗰晚，女神竟然攻擊我嘅Coin Master村莊》: N｜Coin

(…)
 
因為那晚，我將藏在心底某處的六年記憶喚醒了，從此一發不收拾。
 
目送她的背影回家後，我獨自走在白光映照的大街上，不斷回想她剛才說的話。
 
「我有時會好憎佢，但同時，我又會好唔捨得佢。」
 
「要搵到一個咁嘅人好難。」
 


「一個自己鍾意對方，多過對方鍾意自己，又可以一齊到嘅人…」
 
的確，他對她所造成的傷害很大，但我亦明白，她其實很愛他。
 
而這一刻，我想到可以做的，就是在她下個月回去台灣之前，好好陪在她的身旁。
 
接下來的那幾天，每晚我都和她電話閒聊到早上，說的都以前、現在、將來，除了…
 
「話時話，軒哥依排冇對象咩？」她問。
 


「那有女？」我笑說。
 
「你眼角高姐～」她笑說。
 
「咁你介紹啲高質嘅嚟囉～」我亦笑說。
 
「高質？我囉？」
 
「講開又講，你知唔知早幾日雅欣問我咩？」她說。
 


「咩？」我好奇。
 
「佢話估唔到我同你重有聯絡，重要晚晚傾電話～」
 
「話覺得我同你似拍拖，多過同我男朋友拍拖，笑到我～」她笑說。
 
「我邊有咁好福氣可以同你拍拖先～」我笑說。
 
「嘩，咁好口嘅～」
 
「之後佢叫我不如同男朋友分手，然後同你一齊。」她說。
 
「What the fuck?」我問。
 
「佢話，佢覺得我地依家咁，其實係鍾意大家，只係唔肯承認喎～」


 
「你覺得點？」她問。
 
她的問題出乎我的意料，因此一時之間反應不切，所以…
 
「咁你點答佢？」我問。
 
「我咪話我同你只係Soulmate，怕跨出界線，進入了禁飛區嘛～」
 
「費事佢再問長問短喇！」她說。
 
「不過佢都講到咁，你點答佢都係覺得我地兩個有嘢㗎喇！」我說。
 
「都係，解釋即係掩飾～」
 


「不過有啲嘢，我都唔敢肯定～」她笑說。
 
她所說的話又一次打亂我的思緒。
 
「你指嘅係，我同你？」我問。
 
「係！」
 
「所以，我啱啱先想問你點睇～」
 
「不過你唔答就算喇，有時知道真相都唔係一件好事～」她笑說。
 
當時的我在問自己，應該如何回答這個問題。
 
「我對住佢，係純粹嘅朋友，定係多過朋友？」


 
「不過就算係多過朋友，都可以只係Soulmate姐～」
 
「但係嗰晚之後，你重可以當佢係Soulmate咩？」
 
「嗰晚之後，我心底其實一早已經跨出了那一條不可逾越的界線，咁佢呢？」
 
我很清楚自己的答案，所以…
 
「你呢？」我問。
 
聽筒的另一端傳來了數秒的沉默，那叫人撕心裂肺的數秒…
 
「我唔想承認…」
 


她緩緩的說出…
 
「雅欣同我講嘅嘢…」
 
「但嗰晚同你講完之後…」
 
「我控制唔到自己原來對你…」
 
心跳的加速提示著我，即將面對真相時刻到了。
 
「有咗感覺…」她說。
 
「我都係…」我說。
 
就這樣，我們簡單的表露了自己的心跡。
 
「真係嘅？」她說。
 
我能聽到，她有點哽咽。
 
「係啊！我對你都有feel啊！周嘉盈～」我說。
 
「係咩？但我對你冇喎，嘻嘻～」她笑說。
 
「你陰我？」我亦笑說
 
「冇冇冇～」她笑著回應。
 
「咁你同佢打算點？」我問。
 
畢竟，我和她之間，不只是兩個人的事。
 
「我下次返台灣，會同佢講清楚㗎喇～」
 
「因為我重有勁多嘢要執返香港～」她說。
 
「好喇～」我說。
 
這一晚，我和她終於重疊在同一條的平衡線，只是這條線本來就出現在不應該出現的地方。
 
 
讓理智在叫著冷靜冷靜 還恃住年少氣盛
讓我對著衝動背著宿命 遺忘自己的姓
沉睡的凶猛在甦醒 完全為你現形
這個世界最壞罪名 叫太易動情 但我喜歡這罪名
 
驚天動地 只可惜天地亦無情
不敢有風 不敢有聲 這愛情無人證
飛天遁地 貪一刻的樂極忘形
好想說謊 不眨眼睛 這愛情無人性
 
若世界陷進大騙局裏面 朋友亦難以發現
共你隔著空在秘密通電 挑戰道德底線
我信與你繼續亂纏 難再有發展 但我想跟你亂纏
－ 無人之境

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！