《嗰晚，女神竟然攻擊我嘅Coin Master村莊》: 莊｜farm

(…)
 
「喂，我訂咗後日返香港嘅機票喇，你係咪會嚟接我？」
 
「會啊😏你Send啲detail比我？」我回覆她。
 
「即係點啊？」啊宜看著我回覆手機而沒有回答她的問題，顯得有點不耐煩。
 
「即係，佢後日會返香港～」我說。
 


「吓？咁突然？」
 
「即係佢已經決定咗？」啊宜被突如其來的消息嚇到。
 
「都…唔可以咁講～」
 
「佢今次返嚟，純粹係有啲掛住我？」
 
「我估…」我說。
 


「係愛情令你盲目，定係你本身就天真無邪？」啊宜說。
 
我明白啊宜想說的話。
 
有很多朋友跟我說，說我不應該在這個時候跟她開始，因為我們在一個錯的時間開始，不會有一個好的結局。
 
但世事不是無絕對？
 
好像是。
 


「我明你講咩…」
 
「只係，依刻我冇可能放得低佢…」我看著啊宜說。
 
啊宜沒有即時回應我，而是拿起枱上那杯啤酒一飲而盡。
 
「啊軒，其實你點做，真係由你自己決定。」
 
「但係我真係唔想見我好朋友到最後一無所有…」啊宜說得認真。
 
「你怕我失身？」我笑問，嘗試緩和這個嚴肅的氣氛。
 
但啊宜選擇無視我說的話。
 
「我指嘅一無所有…」


 
「係指，你會對愛情從此失去信心…」啊宜說。
 
回家的路上，我一直思考著啊宜的這一句說話。
 
無可否認，我對這段關係所付出的心力，比以往的都多，而且深刻。
 
這不是因為我不喜歡那些前任。
 
而是對於嘉盈，她此刻的情況，都似乎值得我投放更多的心力及時間經營。
 
但若然有一天，她要是消失在我的生命之中，我會變成怎樣？
 
就在這時，手機播出那首六年前代表我們關係的歌。
 


我只怕戀上了你 無從後退
承擔包袱不少 忘掉興趣
怕跨出界線 進入了禁飛區
擔心有熱愛磨難 避免心碎
 
此刻的我，的確無從後退。
 
「喂😡」
 
「衰人😡做咩尋日潛咗成晚水？」
 
「send咗啲飛機detail比你又唔覆我😡」
 
「肯定又係約咗女女出去飲嘢喇😡」
 


翌日早上，我收到來自嘉盈的訊息炮轟。
 
我沒有猶豫，即時FaceTime她，向她講述昨晚的去向。
 
「哼！算你喇！」
 
「不過你潛咗成晚水！」
 
「返到香港你就知死～」她笑說。
 
聽到她說「潛水」，突然我想到一個問題。
 
「如果，我真係有一日消失咗，你會點？」我問。
 
         「你唔係諗住扮韓劇咁，突然同我講你有大病吓話？Touch wood～」她笑問。


 
「唔係啊～」
 
「我係講，如果有一日我同你唔再聯絡，你會點？」我說。
 
「做咩突然咁問嘅？」她說。
 
「冇啊，突然諗到～」我說。
 
「如果你要離開，我強求唔到…」
 
「因為依一刻嘅我，冇資格要你咁做…」她說。
 
冇資格？難道她已經有答案？
 
「所以，你有咗答案？」我問。
 
「喂喂？」她說，似乎聽不到我剛才的問題。
 
「我話…」正當我想再重覆問題時，Facetime被直接中斷。
 
不一會，我再一次收到她的來電。
 
「Sorry啊，個airpods最近成日壞壞地…」
 
「你啱啱講咩話？」她說。
 
我曾猶豫應不應該重覆剛才的問題，不過還是罷了。
 
「我話，你嗰日返香港，記得幫我買…」
 
就這樣，我和她又再閒聊了一整個下午，直到他回家。
 
我就這樣穿梭在他不在的時候。
 
而我和她，可以談及所有話題，除了她和他的事。
 
包括她到底是否有了一個答案。
 
這個情況一直持續到到她回到香港的那個下午。
 
他將她送到台北的機場，而我則在香港的機場守候著，準備接替他的工作。
 
記得那天，我再也忍耐不住…
 
（未完！下星期一見～）
 
 
明知道愛情並不牢靠 但是我還是拼命往裡跳
明知道再走可能是監牢 但是我還是相信只是煎熬
朋友都勸我不要不要 不要拿自己的幸福開玩笑
但是做人已經那麼累 假惺惺的想要逃
在愛裡連真心都不能給 這才真的真正可笑
愛得太真 太容易 讓自己犧牲 太容易讓自己沉淪
太容易 不顧一切 滿是傷痕
我太笨 明知道你是錯的人
明知道這不是緣分 但是我還奮不顧身
可能 在愛裡面這樣算笨
可能 永遠沒有所謂永恆
但是我 不願放棄這裡面一點點可能 寧願笨也不想要悔恨
愛得太真 太容易 讓自己犧牲 太容易讓自己沉淪 太容易 不顧一切 滿是傷痕
我太笨 明知道你是錯的人 明知道這不是緣分 但我還是奮不顧身
我太笨 明知道你是錯的人 明知道這不是緣分 但我相信有點可能
 
－錯的人

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日！

另外，應該會加多幾篇先會完哂成個故～

同埋，星期六冇文！要去到下星期二啊！