［為愛瘋狂］《自從同初戀分咗手之後我自甘墮落，不斷搵其他女人做愛》: 二

「天文台現已發出黃色暴雨警告...」

「仔？起身返學啦。」媽媽滑嫩的手背輕揉我臉頰，還在睡懶覺的我慢慢醒過來。

「冇紅色暴雨咩...」

「第一日返學就想放假？起身啦乖豬。」

「係～即刻起。」



媽媽總是這麼溫柔。

滂沱大雨，我本就討厭雙手拿著東西，不能自由自在的感覺，而且今天的降雨量根本不是一把雨傘就可以百分百抵擋得到，待我回到學校時書包和肩膀早已濕透。

剛好我回到學校時，暴雨已停下，釋出陽光，也不知上天是不是故意在耍我。

「我係...3C班...四樓...哦.終於記得。」我努力回想自己的班別，進到班房後赫然見到許多新面孔和老朋友。

「喂阿文，過嚟坐啦！」熟悉的朋友叫道，今年和幾個好朋友分到同一個班別，運氣不錯。



「好耐冇見喎咁多位！」我舞動雙手打招呼，和他們同坐一枱。

「今年我哋呢班好似冇乜靚女喎。」David略感失望地說。

「冇咪冇囉，隔離班一樣睇到啫。」我發表意見，一個班裡有沒有靚女真的重要嗎？

「嘩文哥你係咪基㗎，見到靚女會有心動嘅感覺，緊係重要啦。」David好像看破我的想法，直言不諱。

我並非同性戀
只是還未遇到她而已



爭議了一會後，班主任也來到班房，為我們調配座位，我被分到近窗口角落的位置。雖然和好友分隔異地，但仍然令我滿足於此。

開學日，沒什麼特別事情，到禮堂聽校長訓話，派通告。

直至小息時
「我哋落去買嘢食，阿文去唔去？」David問。

「我食咗早餐，唔去啦。」

我獨自回到班房時，看見一個女同學坐到我位置上，托著下巴，臉向窗口。

雨後的日光照射到她臉上
為我們第一次相遇打造最美的背景
由那一刻開始


故事就從不打算終止

https://www.instagram.com/void_inheart/