［為愛瘋狂］《自從同初戀分咗手之後我自甘墮落，不斷搵其他女人做愛》: 八

買完手繩，我們漫無目的地走，有說有笑，時間過得很快。夕陽在我們不知不覺間悄悄出現，是時候來一個真正的再見。

「今次真係拜拜啦。」子愉臨別前嫣然一笑，在我面前移動手腕，展示手上的四葉草手繩。

「拜拜...」子愉能再好好陪我的時候至少要等到明天，誇張點說今晚我不知怎樣過。

「喂！傻仔。」

「咩事呀。」



她拿出一支原子筆，在我手上寫下一個電話號碼。
「下次搵我記得唔好拍門啦。」

「嗯！」我又一次被子愉征服。

「拜拜！」

回到家後，我忍不住哼歌小跳，立刻拿字條記下手上的電話號碼，一舉一動都被媽媽看在眼內。
「去咗邊度咁開心啊。」
我心裡為之一振，收回約會後餘溫帶來的小動作。



「冇嘢啊！今日同朋友去玩咋嘛！」

「係？咁你哋感情一定好好。」媽媽有意無意地奸笑了一下，似是看穿我有事隱瞞。

「都...係嘅，識...識咗第三年啊嘛。」

「咁就好啦，快啲去洗手食飯先。」媽媽往我額頭上親一口，然後到準備飯菜。

兩母子簡簡單單三餸一湯，聊聊天。


「今日學校有啲咩做呀。」

「冇乜特別啊，啱啱先開始正式上堂。」

「係？但係你今日心情好好喎，發生咗啲咩事先。」媽媽再次提到我今天回家時的心情。

「暑假悶呀嘛，有得返學見朋友可能開心啲呢。」

「哈哈，你啱啱返屋企嗰陣個樣十足十你老豆第一次同我出完街個樣，好鬼似。」

「係...係咩。」我面對媽媽的懷疑，又習慣性口吃。

「不過你而家咁細個應該唔識呢啲嘢啦。」媽媽揉揉我頭髮，仍然看待我為小孩子。

晚飯結束過後，我思考要不要打電話給子愉。不要小看這一步，因為如果打過去又不知道說什麼就難以收場，而且子愉的心思實在難以猜透。



思前想後，我足足對著電話呆望了一個多小時...
打就打吧，我想聽子愉的聲音。
我用這個理由說服自己。

嘟嘟...嘟嘟...嘟嘟

「喂？請問你係邊位。」

「阿文啊。」

「打俾我做咩啊。」

「嗯...食飽飯冇嘢做咪搵下妳囉。」



「係？今晚你食咗咩啊。」

「家常便飯囉，啲豬肉餅幾好食。」

「你媽咪整嘅？」

「梗係啦我唔識煮飯㗎，冇佢唯有出街食。」

「煮飯好辛苦㗎，你搵一日試吓就知道。」

子愉說話處事總帶點成熟味道，很懂得站在別人角度看事情，讓我自愧不如。
經過兩天的經歷，我產生一種高攀不起子愉的感覺。

「或者嘗試煮餐飯俾我啊媽食？佢就快生日。」



「識咁諗就好啦。」

短暫的沉默過後，子愉問了一個令我意想不到的問題。
「喂...其實我同E班婉晴邊個靚啲？」

「梗係婉晴啦，又靚又識講嘢，啱啱中三已經有啲身材可以睇。最緊要係女神得嚟唔做作啊嘛，都唔怪得唔多男仔鍾意佢。」我故意加鹽加醋稱讚婉晴，看她會有什麼反應。

「原來係咁...」子愉的聲線馬上失去自信，正中下懷。

「不過有一個人，喺我眼中佢比婉兒靚，性格比佢好，總之做乜都比佢好。」我突然認真起來

「邊個？」

「邱子愉囉。」



https://www.instagram.com/void_inheart/