［為愛瘋狂］《自從同初戀分咗手之後我自甘墮落，不斷搵其他女人做愛》: 十三

隔了幾日，我又知道子愉為我做了一件事。
一次又一次，全因為想對我好。

事實上我和子愉幾個月來沒有好好陪伴各自的朋友，所以選擇一天回歸社交生活。

高成丞：「阿文終於同我哋放學啦。」

張任：「越嚟越大牌啦你。」

我：「係係係sorry sorry，搵日請大家飲嘢。」



David仔：「唔洗啦，遲啲請我哋食出pool飯就得啦。」

我：「又嚟？唔講得唔得啊。」

David仔：「屌！我今日係都要講㗎啦，你知唔知阿嫂...邱子愉為你做咗啲咩？」

我：「做咩事？」

David仔：「佢差唔多同晒全班人講叫我哋唔好再成日問你咁多，怕你唔開心，仲要人一定要發誓先肯放過佢哋。你自己諗吓普通朋友需要做到咁樣咩？」



子愉可以為我做到這個程度，代表她也喜歡我？

張任：「唔洗答我哋㗎啦，如果你都鍾意人嘅話你就應該知道點做，好女仔嚟㗎。」

難怪左右附近的同學近日笑而不語...
回到家，我重新記起子愉為我做過的所有事。

由彼此認識開始，她就因為怕我討厭閒言閒語而施計避免事情發生，之後我們每一晚都一起講電話做功課，每次我有不懂的地方她一定耐心教導直至我學會為止。



會糾正我錯誤，但從來不會對我發脾氣或有一點厭煩，做什麼事都以我為先。對着其他人說話會給人生人勿近的感覺，向我說日常生活則會歡天喜地，手口並用去形容一件小事。

還有大量細節我說不清，子愉為我做了太多太多事。

她會不會祗是對任何人都好？

我心情很複雜，一時間消防不了子愉同樣喜歡我的事實。一方面知道子愉很有可能喜歡我，當然為之振奮，另一方面是下一步該如何處理，畢竟我第一次遇到這種情況。

所以只要我和子愉表白就是情侶？聽人講拍拖的時機很重要，電視劇集也有無數情侶因所謂的timing不對而分手，那我現在和子愉拍拖在timing上對不對？

不，子愉仍有機會不喜歡我。
在我眼𥚃，子愉喜歡我的機率接近七成。

拍拖需要接吻、牽手，中三學生可以做這些事？學校禁止談戀愛...



越去思考，問題範圍就越加擴大，停止不了思考。

「阿仔你有電話啊。」
是子愉打過來。

要怎麼應對？
什麼態度？平常心？

「喂阿文，做好功課未啊。」