啱啱轉新工, 由青衣返荃灣,
我和九巴43B班仆街司機的鬥爭正式開始.
今朝星期六返工都無乜野做,
就有時間打哂個故仔出嚟.

我放6點, 所以行到去巴士站
就會啱啱見到有班車就嚟開出,

第一次我差不多行到去車門,
大約差3步, 唔夠1秒時間,




佢竟然關門開車走,
正常人開車一定會望倒後鏡先,
所以佢一定見到我,
OK, 當我行得慢, 佢想比個教訓我,
我下次行快D.

第二次, 我又見到架車開住門,
我立刻飛奔過去,
差唔多去到車門佢又關門開車喎.
依次我無慢慢行喎, 咁都玩我? 屌你吖.





第三次, 我又飛奔過去, 佢又關門開車,
我出力係咁打架車,
打左5, 6下之後, 佢先停車開門比我上車,
佢望住我表情好撚驚,
雖然我個樣都幾惡,
但我無出聲, 直接上左樓上坐,
因為我覺得自己已經贏左.

第四次, 我又飛奔過去,




啱啱去到車尾, 佢又關門開車,
唔比機會我打部車,
我伸撚左部車一腳之後,
就睇住佢絕塵而去.

第五次, 我無飛奔過去,
兜遠路在車頭前面慢慢行過去,
然後一隻腳踏上車,
揮手召喚後面唔識但嚟緊的人,
等到無人趕上車先上車
然後慢慢攞張咭出嚟嘟.

之後我每次都兜遠路在車頭前面上車
唔再在車尾跑上嚟
因為咁做只會為佢地班仆街提供娛樂.
已有 0 人追稿