《我應承過一個女仔，要帶佢去修頓球場睇我比賽》: 第三話

光仔性格隨和，卻是我們的籃底巨獸，身高有一米九。雖然籃下技巧不是很好，但這身高和穩如泰山的身型，能夠彌補技術上的不足。
 
阿基則是半路出家，上到中二才開始打籃球，目前也是半吊子，但當籃球隊重開，加上有教練的指導，天花板還是可以很高的，因為阿基身型不差，協調性也很高，學習能力很快，一些基本的動作，他很快就學會了。
 
我們在街場打起上來也不是那麼吃力，而且街場裡，會遇上其他學校的人，有些甚至不是我們的對手。
 
「咁李Sir一定唔會係我哋搵嘅人啦。」我說。
 
而我，身高不夠高，一個死矮仔，但勝在夠快，我想證明矮仔也能夠在籃球場上立足的。
 




「仲可以有邊個？」光仔問了一個很好的問題。
 
「嗯⋯⋯體育嗰個陳Sir？」光仔問完之後，再自己答自己。
 
「佢就嚟退休啦喎，而且佢都一把年紀，叫佢帶會唔會難為咗佢啊？！」奀皮跟陳Sir幾熟的，因為奀皮也是田徑隊的，而帶他們的，正是陳Sir。
 
「都要問下㗎啦，雖然佢都會帶田徑，但我哋唔試，就咩機會都無。」我不想放棄任何一個機會。
 
「好，我去問下。」奀皮答應了。
 




「一係教英文個李Sir？佢好似都識打波㗎喎。」我忽然想起這位呀Sir時不時在午飯時候也會出現在操場和學生打球，放學也會看見他的身影。
 
「好！就交俾你！」光仔拍一拍我膊頭，「呢個重任，只有你可以勝任！」
 
一看就知他的膊頭是斜的，只懂卸膊。
 
他們分別也要去問其他有機會可以帶隊的老師，而我就負責李Sir，因為他是教我班英文，所以他們推我出來，也是合情合理。
 
我趁英文堂下課的時候，衝上去攔截李Sir。
 




「咦，呀文？搵我有咩事啊？今日見你都好俾心機聽書喎。」李Sir和那個訓導李Sir不一樣，眼前的這位溫和得多。
 
「無，我想問下你得唔得閒帶我哋籃球隊？我哋有班人想重開返校隊，我哋想打學界。」我一來就顯出我的誠意，用真誠來打動他。
 
「我呢排都好忙喎，除咗校慶，一啲有關校慶嘅刊物我都頭負責，呢排我都已經不停咁趕夜車啦。」李Sir的言下之意，就是他沒有多餘的時間帶我們。
 
「難得見你哋咁有心，成日都放學見到你哋打波，其實我都好想帶你哋，唔想你哋帶住個遺憾行完呢個中學，一係等我忙完校慶，就有時間帶你哋啦。」李Sir捧著書，安慰著我。
 
他是我遇過，最溫柔的老師。
 
「咁⋯等你忙完啦！我哋會keep住練波㗎啦。」至少還存有希望。
 
「咦，你可以問下訓導嗰個李Sir喎。」李Sir臨別想忽然想起，便走回來對我說。
 
「訓導主任嗰個李Sir？？？」我有點吃驚地問。




 
「係啊，你有無問過佢啊？」
 
「吓？我無啊，點解要問佢啊？」我不解，我為什麼要去問一個對我們想做的事而選擇潑冷水的人？
 
「你哋唔知咩？李Sir以前係中學校隊隊長嚟㗎，聽講上咗大學嗰陣都仲有打，以前中學嗰陣同過佢打學界，幾年都遇到佢間學校，年年都輸俾佢。」李Sir憶起往事，無比開懷地笑。
 
「只不過後來佢好似大傷咗，之後就無再打過波啦，我都估唔到會係呢間學校見返佢，佢之前同我講話想教體育嘅，但兜兜轉轉最後就教數學咁囉。」
 
「不過你可以問下，我諗，佢應該會幾開心。」李Sir再多說幾句後，就走了。
 
我剛剛有點愕然，原來訓導的來頭這麼猛，我不禁在想，那時候訓導的話，是不是真的⋯⋯
 
可能我們水準真的不夠。
 




接下來的課堂，我都心不在焉，不停在想要不要找李Sir，應該怎樣找他帶隊而不失霸氣。
 
中午放飯，我們出去食飯的時候商量，各自的結果如何。
 
「點樣啊？有無老師肯帶隊？」所有人都搖搖頭，不是吧？
 
「一個都無？」心存一絲希望的我，最終也落空。
 
「個個都有嘢負責緊，無人得閒啊！」光仔苦訴。
 
「咁李Sir呢？」阿基反問我。
 
「佢都唔得啊，話要等佢忙完喎，呢個似乎係最好嘅辦法。」
 
「不過呢⋯⋯」我將剛剛從李Sir聽到的，一五一十轉告他們。




 
「咁仲等咩啊？去問啦！」奀皮急不及待。
 
「冷靜啲，你哋真係覺得要問佢？佢之前咁嘅態度，然後仲要搵佢？同埋我諗嘅係，之前佢講嘅嘢係咪真，我哋可能真係未夠班？」我只顧著說話，連飯也只吃到一半。
 
「我哋得兩個選擇咋嘛，一係等李Sir忙完，一係就去搵訓導，問佢肯唔肯，無啦。」奀皮分析整件事。
 
「你又啱喎衰鬼。」阿基附和。
 
「去搵咗先啦，反正都係試㗎啦，柒唔柒又係有咩所謂喎！」光仔好像熱血沸騰起來。
 
最後，也是叫我去問⋯⋯一班沒用的傢伙！