我叫張元中，我個妹叫張元英（失敗作，爛左尾，貼上黎做record）: 5

5.

「miss to!作文呀！」

第二朝班房早會，我就將尋晚既騰文交比miss to


「真係？！」

miss to起初都對我投下懷疑目光，但睇左份作品幾眼都好似過到骨





「嘿，睇黎你真係好唔想比人con喎！」


miss to呢一句引到全班大笑


我返埋位之後，阿玉即刻問

「嘩你真係寫到呀？」






「嘿，輕鬆啦六百字」我特登扮到好運籌帷幄咁，扭扭頸


「但你尋日先話寫唔到...咪住先...」

阿玉突然奸笑：「唔通份作文...」






「...丫嘿嘿」我都馬上報以微笑回應



阿玉作為我既女兄弟，都好識趣壓低聲線

「你呢個阿哥咁衰架，點自己個妹做野...」


「屌等價交換咋，佢話想要條裙嘛，我咪用三舊水同佢換囉，咁都衰呀？」


「元英真係慘，有你個咁既阿哥...」

阿玉轉一轉話題：「不過，你唔驚穿煲咩，元英文筆咁好...」






「驚架，不過個死女包佢都醒目」



尋晚

「嗱，作文，自己抄返佢啦」

元英將寫滿字既紙遞比我：「我改左啲淺白既用字架啦，睇死你平時都唔荒文筆好架啦」


「丫咁撚串既你」





我睇左幾眼：「又好似真係幾似我平時啲作文喎」


「作個文都唔識，渣ga」

元英又繼續開住電腦睇啲泡菜綜藝節目：「哈哈哈...好好笑呀」


由細到大，元英做任何野都比我更出色，自然受到身邊所有人既寵愛

雖然我老豆老母冇講出口，但查小欣都睇得出，佢地都係錫元英多過我



lunch time果陣，我同田鼠同大師兄三兄弟去左附近既一間餐廳食飯





「哈哈，我仲以為中仔你又要比我地con添！」田鼠一坐低就笑


「見過鬼仲唔怕黑咩！miss to痴線架！好撚肚餓呀，嗱嗱聲叫野食啦仆街！」


「事頭婆唔該，三個a餐，三杯冰檸茶！」

「收到！」成間鋪頭唔大，得老細兩公婆打理，所以基本上就咁齋大聲叫就ok




「元英，呢間好唔好呀？」





「嗯！」

一嗌完，我就發現兩個我地學校既女仔入左黎



「元英？」

「吓...阿哥...?」


「咦你咪係元英個阿哥！hello~~！」

我認得佢身邊果個女仔好似係叫阿真，係元英同學黎，上過黎屋企幾次


「兩位靚女坐呢度丫」

事頭婆帶佢地兩個埋去隔黎枱坐低


雖然我同元英又唔算係關係好差，但亦未算得上好親果類，面對呢啲情況都好尷尬




「嘩，係你個妹呀...」田鼠成個痴漢咁響我耳邊講


「細聲啲啦田鼠」大師兄提醒




「哈哈又會咁都撞到你阿哥既！」傻大姐性格既阿真笑道

「...係咩...」元英偷望我一眼


「我仲記得上次黎你屋企，見到你阿哥反轉左條褲著，入到廁所仲問你媽咪點解條褲冇拉鍊呀哈哈哈哈哈哈哈哈哈！！！！你媽咪仲要答佢個拉鍊比佢屙屎用架哈哈哈哈哈哈哈哈！！！」


仆街，個阿真仲記得呢單柒事



「喂！阿真呀...」元英自己都非常尷尬，嬲得拍打阿真



「呠...格格格...」

田鼠同大師兄一聽到馬上合埋個口笑，忍到放屁咁

「唔係真事下話...格格格...」


而且唔止佢地，成間餐廳既人，包括老闆兩公婆，都響度笑緊！

「格格格...」



因為當眾累到自己比人恥笑，元英對我投以怒目

最後成餐飯都冇乜癮，我地三個拿拿聲食完都走


唉，今次真係無哂面