我:「Queen…妳有男朋友㗎…」
Q:「點同,嗰啲係愛情,你對我係另一種好。」
呀右女神…我唔知妳邊種感情打邊種感情,我只係知一個靚女咁樣坐喺個男仔上面,除非佢啱啱屋企死咗人嘅啫,如果唔係點都會有反應。
平安夜流流唔好玩啲咁嘅嘢得唔得,我唔想身體上面啲唔應該嘅部份壓迫到妳嘅身體,一下忍唔住嘅話我唔敢擔保唔會發生某啲悲劇情節。
但…真係好舒服,呢種鬆軟嘅感覺。
「咕咕…咕咕咕…」
Q:「呀?你肚仔喺度叫!?」
我同佢身體貼到實一實,聽唔到都會感覺到。
我:「係呀…我食咗個杯麪咋,頭先顧住砌。」
Q:「咁重唔快啲食嘢。」


太好,Queenie終於起返身,咁我某個parts都可以任由佢血壓增高溫度上升嘞。
我:「咁夜我唔煮喇,妳食飽晒㗎啦,我落去OK食。」我對食真係無乜要求,OK方盒飯飯店我小學就識買嚟食,由以前十三蚊食到而家廿蚊頭,咁都重算平嘅,又唔使洗碗。
Q:「咁我陪你落去啦。」
我:「我食盒飯咋喎,咁夜落去都無嘢做。」
Q:「聖誕吖嘛,陪下你啦,費事你咁慘。」
唓,有乜咁慘喎,以前我日日都係咁㗎啦;反而而家我又唔可以要佢陪我食埋呢啲嘢,去餐廳食兩個人會好貴,所以迫住自己煮。
同佢落街先得閒留意佢今日著乜,係一件粉紅色公仔衛衣,主黑副紅色格仔短裙,加對黑色過膝襪,即係會有絕對領域嗰種;靚得嚟重好有聖誕氣氛,我諗佢男朋友今日拖住佢出街一定好有面子。
落到樓下,條街重係好多情侶,有啲可能係玩完男仔送條女返屋企,有啲可能扭緊計辯論緊去唔去開房好,重有啲就旁若無人攬埋一嚿打茄輪,平安夜喎,無所謂啦,就算當街當巷合體變身做勇者王,警察叔叔都未必拉你啦,最多都係當動作卡通片咁睇。
本身我同佢都係隔得有啲開,我諗半個身位到啦然後無端端Queenie佢撓住咗我隻手。
我:「小姐…妳…搞乜鬼…想點?」


Q:「唔洗羨慕人喇,我扮住你條女先啦。」
我:「又唔係真嘅,有乜用喎…」
Q:「咁係咪唔要吖?」
我:「又唔係嘅…妳睇下嗰邊條女,俾佢條仔揸緊波喇,我係咪要學下?」
Q:「你敢?」
我:「又真係唔敢嘅…或者,妳頭先同男朋友喺條街都係差唔多。」
Q:「呵呵,唔知呢,你咪估下囉,慢慢幻想。」
其實邊有得扮吖,妳就著得咁精緻,我就只係睡衣拖鞋,正常人都唔會信我哋係情侶啦,頂多我係按父母要求出嚟接返啱啱畀人食完嘅失身阿妹返屋企。
點算,我有需要,個腦自動波性幻想mode中。
唔知,會唔會有啲屋邨妹可以可憐下我,收五百蚊樓下幫我剩出同畀我摸下呢,我嘅要求已經低無可低…我知道唔會有,呢啲日子乜都炒到好貴,一枝玫瑰都可以收你幾十蚊,何況係女?


而且就算係五百樓下我都唔捨得畀,兩百到就可以考慮,呢個時勢唔會有女為咁少錢做呢啲;睇下你隔籬嗰個呀,除條底褲摸兩下就一千…
已有 0 人追稿