我怎可能是女神👸🏻獵人🏹（第一季更新至斷更為止）: · · · · ·　— — — — —

蚊：「Queenie喺度住，畀咗乜jetso你？」
我：「無呀…真係無特別。」
蚊：「吓？抽下水都無？唔係掛。」
我：「日日對住，返學又見，唔好搞呢啲啦。」
蚊：「咁靚女你都忍得住，唔似你喎。」
我：「人哋有仔㗎喇，點好意思。」
蚊：「有仔都住喺度？乜玩法嚟！」
佢轆到隻眼大一大，彷彿聽到啲乜駭人聽聞嘅事咁，希望佢唔會覺得Queenie係雞嚟啦。
我：「我都唔識解釋，一匹布咁長…總之我同佢嘅關係只係同學，朋友，同埋一齊住，至少而家就係咁。」
蚊：「至少而家…即係你都冧人哋啦。」




我：「咁靚女總會令人…有啲幻想嘅。」
蚊：「性幻想咋？想屌佢？」
我：「唔好講得咁直接啦…有邊條仔會唔想喎。」
蚊：「溝人哋囉。」
我：「都話人哋有仔，同埋…佢唔係咁易㗎。」
蚊：「夾硬嚟囉。」
我：「唔喇…妳同條仔鬧架？」
我唔想再糾纏話題喺女神度，反正係兩個世界。
蚊：「類似啦。」
女人就係咁，嚟搵你又唔講多啲，都唔知想點。




我：「佢有其他女女？」唯有㞗估。
蚊：「我都唔知。」
我：「咁做乜唔開心？」認真無限輪迴…
蚊：「我想俾人惜。」
我：「佢唔惜妳？對妳好差？」
蚊：「佢消失咗兩日喇。」
我：「咁佢做乜消失？」
蚊：「前日佢想扑嘢，我嫌佢煩推開佢，就趕我走，之後搵極佢都無反應。」
我：「即係妳唔鍾意佢？」
蚊：「平安夜又俾佢扑，聖誕又俾佢扑，屋企有人就要我走，又唔肯同我行街，hea我一陣就叫我返屋企，我覺得佢當我廁所咁咪推開佢囉。」




我：「換過條仔啦。」
講真我以前都無咁衰，不過我可以霸晒間屋，佢想喺度留幾耐就幾耐，做完愛瞓到天黑都得，但我都係唔好㗎喇，見佢住得近就懶得送佢返屋企，嗌肚餓就求祈畀條餅乾佢就算。
我都唔明點解會對QQ咁好。
蚊：「我都想。」
其實係無解，識咗條仆街仔就係咁㗎啦，咪靠自己搵過個好嘅囉，我真係幫唔到妳。
蚊：「你會唔會惜我？」
我：「吓…我可以點惜妳？」
蚊：「抱下我吖。」
搞乜鬼呀，同妳一齊嗰陣就粒聲唔出畀帽我戴，到俾人蝦就嚟搵我安慰，女人真係…
不過念在佢畀咗第一次我，同我一齊嗰陣都對我幾好，有好多開心嘅回憶，我都會惜佢嘅。
細蚊佢抱住咗我，慢慢扯埋我瞓落張…充滿女神香氣嘅床上面，希望Queenie大人有大量放過我，最多我事後又幫妳洗過晒啲床單被套，因為就算佢唔望過嚟都肯定知我用緊佢張床…最衰我張床又實在太開揚。