同Queenie一齊都幾好,有種好想得到但又得唔到嘅遐想;如果係Carmen嘅話,應該玩兩下又會變咗我服侍佢,好快就會悶;而假如係Mandy嘅話,其實乜都已經做過晒,唔會有乜新鮮感。
結果我就喺半夢半醒中夾住佢隻腳趾尾休息。
唔知佢會喺度諗緊乜呢,嫌我病抽佢隻腳趾水?覺得我成個細路仔咁好無聊?定係為終於有人識欣賞佢隻腳趾而感到高興?
㩒下㩒下我最後都係忍唔住…
Q:「嘩咔!作死你呀!做乜搲我腳板底?!」
我:「無呀…見佢太誘惑咋嘛,原來妳咁驚㗎?」
Q:「唔俾呀,信唔信我綁起你呢個病人慢慢搲吖嗱?」善良嘅QQ突然露出邪惡嘅笑容。
我:「唔好啦…唔夠血重咁刺激我,我驚心臟病發暴斃呀,唔好嬲啦,原諒我。」
我又捉返住佢隻腳趾尾搖搖下,我認我而家嘅舉動係有啲低B,但係有邊個唔想病咗嘅時候可以好似小朋友咁扭計俾人照顧喎,而且重係一個咁嘅大美女。
Q:「哎呀…好煩呀你,搞乜鬼呀?」


我:「無呀…摸住隻腳趾好似有止痛嘅效果。」
Q:「咪扮嘢啦!變態就變態啦…呀,係嘞,你以前同Carmen姐姐玩過啲乜㗎?」佢突然八卦上嚟。
我:「呢層,好多都有喎,係無做嗰樣嘢囉。」
Q:「例如玩佢啲腳趾?」
我:「咁就,梗係有嘅…」
Q:「有無放入口入面吮?」
我:「都有嘅…」
Q:「跟住呢?」
我:「用條脷舔乾淨佢啲腳趾罅…」
Q:「係玩女皇遊戲?」


我:「無啲咁嘅名堂,但差唔多掛…妳唔係又想做女皇呀?」
Q:「我…好正常㗎,唔會嗜呢啲變態嘢。」
係咩,但佢個樣就聽到好興奮塊面紅晒咁。
Q:「Carmen女皇…會著乜嘢衫㗎?」
我:「校服囉…皇后的新衣囉…」
Q:「會唔會踢落你度㗎?」
我:「邊度呀?」
Q:「嗰度囉…踢到有反應…」
我:「都試過下嘅。」
Q:「依…諗起你個變態樣就覺得嘔心鶻突。」


口就咁講,但唔知點解我覺得佢喺度幻想到個心卟卟跳,Queenie呢個名源自Queen,唔通佢都對女皇呢味玩意有鋪癮?
我:「我錯囉,小人只係被迫㗎咋。」
Q:「但你個樣好似好懷念Carmen姐姐咁。」
我:「都係嘅,平時點會遇到呢啲咁玩得嘅姐姐。」所以其實我都唔太知點解會識到佢。
Q:「唔講喇…你,肚唔肚餓呀?」
我:「嗯,雖然無乜胃口,都要食返少少嘢落肚嘅。」今朝碟粟米肉片飯早就消化晒。
Q:「不如我煮啲嘢畀你食?你有乜可以食㗎?」
我:「簡簡單單,清清哋就得。」
其實我對佢煮嘢無任何期望,因為佢一早就講過唔識煮嘢食,但當一個唔識煮嘢嘅女仔為咗照顧病咗嘅你入廚房,呢種感覺真係好sweet。
Q:「我淥個米粉畀你啦。」講完就入咗廚房。
剩返我繼續攤喺張床上面,轆下轆下咁轉,抱住張棉被不由自主咁喺度傻笑。
已有 0 人追稿