我怎可能是女神👸🏻獵人🏹（第一季更新至斷更為止）: 145

我：「係嘅…呢層我都幫唔到妳。」
我無可能畀到錢佢去gym room玩喇，去一個月gym room差唔多等於佢成個月嘅晏晝飯錢；唉，點解我唔可以係富二代，QQ想要乜我都畀到佢，等佢轉會嚟我嘅懷抱入面。
算，人唔應該有太多幻想，妄想會使人墮落。
Q：「你咁得閒不如幫我捉實隻腳。」
我：「呀…可以呀。」
你要知道平時喺學校做sit up，當然只可以幫同性捉腳，而且係著住運動鞋啦；呢個時係QQ係赤腳攤喺張床上面，唔通佢想益我，等我摸下佢嘅玉足？
唔係唔係！惜都惜過咯，重諗呢啲嘢嚟做乜喎，佢只係想專心做運動而叫我幫佢啫，我唔應該諗咁多無謂嘢；於是我就用力捉實佢嗰對白滑嘅雙腳，真係唔明啲女仔點解可以keep到啲腳皮咁嫩滑，明明佢都有行路。
冬天嘅佢就梗係著長褲啦，大家唔好諗咁多，但佢件衫個領又真係比較低同闊，而且重鬆鬆地，加埋本身就真空嘅佢，每一下up嘅時候都有啲睇頭，擠咗一個上乳溝出嚟，我忍唔住望多咗兩眼。
Q：「喂，你喺度䚎乜呀？」
我：「對…對唔住。」




咁近距離昅嘢我當然逃唔過佢嘅法眼。
我：「妳平時返學前沖完涼咪又係咁走出嚟。」
我有啲不解，其實佢都慣性畀我睇，如果唔係佢有仔我真係會以為佢想show off或者色誘我。
Q：「咁係為咗方便我自己，唔係想畀你昅。」
我：「我知道…」明明就係強人所難。
我：「我對妳都算好吖…望下唔係好過份啫。」
Q：「我無話唔俾，就算你夾硬嚟攪我都無聲出㗎啦。」
我：「唔好咁諗我啦…我忍得住。」
真係唔明佢嘅邏輯，成日喺我面前咁暴露，唔係想我睇，但又唔係唔俾我睇…即係要我有得睇無得食，望梅止渴直到渴死為止？
我：「不如我反轉坐喺妳隻腳上面咪得囉。」




Q：「嗯，你鍾意啦。」
我數住QQ每組sit up會做廿下，大約會維持一分鐘，做完一組就抖兩三分鐘，又再做另一組，我就坐定定喺佢隻腳上面㩒電話。
Q：「唔得喇…郁唔到喇…」做完六組之後佢氣喘住咁攤返喺張床度講。
我：「Queenie，妳好靚女。」
Q：「我知道，唔使講出嚟。」
聽住佢急促嘅呼吸聲，呢種感覺好親近，可以同女神一齊平凡咁生活實在係太幸福，我要好好珍惜呢段唔知會維持幾耐嘅時間。