我怎可能是女神👸🏻獵人🏹（第一季更新至斷更為止）: 169

Q：「但係…我哋喺梳化攬攬惜惜咗一陣之後，佢就夾硬除我啲衫，我以為佢都只係想摸下揸下，所以無乜反抗，但我啲衫好快就俾佢剝清光，然後佢就開始哀我畀佢…」
我：「男人講嘢妳都信嘅。」
Q：「嗰陣細路女唔識世界吖嘛。」
我：「然後妳就乖乖就範？」
Q：「唔係好乖㗎咋…不過始終佢都算對我幾好，同埋嗰一刻強硬拒絕佢好似好尷尬，又驚佢之後會唔鍾意自己…加上我都算大過女…」
我：「嗯，姐姐妳好。」
Q：「唔準叫我姐姐呀！」
我：「第一次痛唔痛呀？」
Q：「痛到死呀…黐線㗎…」
我：「嘻嘻，呢個係妳曳曳嘅懲罰。」




Q：「後來習慣咗之後，咪鍾意俾佢服侍囉。」
我：「點講都係曳，等我又話俾妳媽咪知。」
Q：「我都唔知佢知道咗嘅話會點…不過連佢自己都亂咁嚟，可能我都係遺傳佢。」
我：「妳媽咪知唔知妳同邊個一齊住？」
Q：「同學囉。」
我：「女同學？」
Q：「嗯…」
我：「講大話嘅曳妹妹。」
Q：「咁唔係點喎，我都係唔想佢擔心啫。」
我：「妳媽如果知道真相會唔會打死我㗎？」




Q：「應該唔會嘅…只要你唔亂嚟嘅話。」
我：「妳又肯定我唔會亂嚟嘅？」
Q：「唔肯定㗎，第一日嚟就諗定要點激烈反抗㗎喇…好在安全啫。」
我：「黐線嘅咩，咁樣搵自己教非都有嘅。」
Q：「諗住反抗你都唔會夾硬嚟嘛…如果真係唔得，同你約法三章，如果你好有需要嘅話，幫下你都得嘅…放晒出嚟就唔再危險。」
我：「妳咁講嘅話，我而家咪蝕晒？」
Q：「做乜呀，你唔係諗住而家對我亂嚟呀？」
妳估唔想咩，一路掂住佢，望住佢心口，個樣重要曳曳地好似唔驚死咁款。
我：「識咗咁耐，做唔出喇。」
Q：「如果你真係好想，都唔係唔得嘅，當我交房租畀你囉，對我嚟講都係手作工夫嚟啫。」




我：「唔使喇…我怕醜。」
Q：「你咁惜我，唔會咁對我嘅。」
我：「嗯…我唔會迫妳做啲妳唔鍾意嘅嘢。」
QQ已經捉到晒我啲心理，到咗而家我已經好鍾意佢，唔想佢討厭我，為咗令佢對我更加有好感，就算再辛苦我都會死忍…縱然我應該唔會有任何機會，但就算係咁，只要佢鍾意我，如果有一日變返做單身嘅話…
Q：「其實你…係咪應該可以搵Carmen或者細蚊佢哋玩下？」
我：「唔係幾好嘅…Carmen就考DSE，我唔敢打攪佢，同埋我其實唔係好瞭解佢，都唔知佢而家點樣，如果佢想搵我應該就會搵嘅，既然佢都唔搵咯…而細蚊就，都唔係幾好。」
Q：「細蚊好似重幾鍾意你，唔考慮下復合？」
QQ講得啱，其實我知道呢個可能性係好大，而且以細蚊呢啲無乜所謂嘅性格，就算同佢只係玩玩下都或者唔會投訴；但呢一刻嘅我，個心就根本唔喺佢度，如果我搵佢，只係僅僅需要用到佢嘅身體，咁嘅話我同當佢係免費雞有乜分別，雖然以前拍拖嗰陣都差唔多…但我唔想再咁樣；我寧願當佢係一個重要嘅好朋友，都唔想只係同佢發生肉體關係；再者又唔知QQ會點諗，唔通叫佢落街俾我同細蚊做愛咩，咁係咪要好似開房咁快手快腳完事？調轉係如果趁QQ出咗街我搵細蚊上嚟扑嘢嘅話，就擺到明係搵佢攝時間…
我：「唔啦…咁樣唔係幾好。」
Q：「唔理你，嗱，餓死唔好賴我呀，唔好話我阻住你溝女呀，我可是很合作的。」
唉，不如妳合作畀我溝下囉…講唔出口。