見QQ未返嚟,於是我就上下網先,順便等我整到隻滑鼠更加污糟,橫掂女神話會幫我洗…咦…呀!宮島姐姐出咗新寫真集喎!Graphis社嘅blooming,噢!實在係太過清涼喇,喺沙灘上面嘅宮島姐姐實在係太過可愛,唔掂呀,真係J唔落手,靚女過AV入面嘅佢一大截,唔知有無P過嘅呢,希望唔會好似啲IG女神咁虛偽啦。
正所謂好圖必需要保留,打鐵要趁熱,今時今日網絡資源多得太恐怖,長江後浪推前浪,你今日唔down定先到個主角俾人丟淡咗就會死晒link,到時就蘇州過後無艇搭,船到橋頭冧碼頭,我呢啲小朋友又無信用卡課金買正版…
同埋啲轉載壓縮圖係唔掂嘅,要down就一定要搵原圖,正所謂踏破鐵鞋有覓處,終於搵到!妖,又要等一百二十秒,重迫我玩認紅綠燈同飛機,係要蝦我哋呢啲小朋友嘅;不過靚女當前,我哋係好有耐性嘅,慾速則不達…重要分做四條link,等都等咗四百八十秒去,快啲啦,QQ就返嚟,我想快啲喂下啲蟹仔同蟲仔。
掂!Down完兩條link有四十幾幅,等我check下啲圖先,呢個時候我已經左手手多多喺度隔住條褲夾下個頭仔。
「咔嚓。」屌,右女神偏偏喺呢個時候返嚟。
當我正想用零點九九秒㩒alternate加F4嘅時候…
諗返起,女神叫我唔好在意佢…佢喺屋企都係咁飛釘啦,喺沙灘重要擘開隻腳畀我睇佢走光,重喺我心口入面摸…況且佢平時都會䚎到我用電話上鹹網。
就唔鬼理佢,反正佢都係啱啱做埋啲茍且之事先返嚟,做乜我要喺佢面前扮乖乖仔啫。
係囉,清涼寫真嚟咋嘛,又唔係三穴全開打魔王。
Q:「哈,趁我唔喺度睇鹹嘢!重唔俾我捉到你。」


又叫我唔好理妳,我睇就嚟騷擾我,乜邏輯?
我:「鹹乜嘢喎,寫真嚟咋,費事刺激妳。」
今日一整日乜都扑夠啦,其實應該刺激唔到…
Q:「吓,又透又飛晒釘咁,唔係鹹嘢係乜?」
我:「咁我係咪要投訴妳平時喺屋企迫我睇淫褻物品?」
Q:「物品你個頭!我係人嚟㗎!哈,而家惡喇,重要咁串嘴添…你睇下成對波波露晒出嚟重唔係鹹嘢?」佢䁽到folder有面啲縮圖就自行開咗幅更清涼嘅,透過我嗰隻有啲污糟嘅mouse…
我:「妳話乜咪乜囉,妳係女神,我覺得妳返學坐喺我隔籬都鹹到出汁添呀,成部腦入面都係鹹嘢嚟㗎啦,妳唔好再format我啲硬碟就得。」
Q:「咦?個女仔…係咪有啲似我?」
已有 0 人追稿