我怎可能是女神👸🏻獵人🏹（第一季更新至斷更為止）: 275

蚊：「你鍾意咪攞囉。」佢一路啜可樂一路答我。
咁我當然唔客氣，加咗一大堆飯再淋埋啲汁上去之後個餐好似即時降grade，十足十快餐店學生餐黑椒牛扒腸仔飯多飯咁，不過就啱晒我，我返工前好需要大量廉價嘅卡路里。
蚊：「我要腸仔。」佢講完就擘大個口望住我。
女仔係好得意嘅生物嚟，明明就已經食飽飯，但每當見到啲自己鍾意食嘅嘢就會扭要，於是我就用叉拮起條長一長嘅法蘭克福腸伸去佢個口前面，而佢就用個口仔咬咗上嚟。
蚊：「嗯嗯啊…」
細蚊佢喺度同條腸深喉，將大半條腸含落個口腔入面，又啜又吮，吞入吐出咁…
我：「細蚊妳搞乜鬼…」
蚊：「你唔係最鍾意見到我咁嘅咩…嗯嗯…重要抱住我個頭…」佢咬住條腸喺度講。
我：「都…係嘅…但有其他人喺度㗎。」
蚊：「乜你怕㗎咩？」佢口就喺度吮腸，眼就望住我，以前我成日迫佢咁做，重要拍埋片。




我：「妳唔怕我咪唔怕囉。」
佢含咗一陣，最後只係咬斷咗四份一條腸吞落肚，剩返大半條有佢口水尾嘅腸留畀我；咁我就唯有老實不客氣，一大啖咁將條腸放晒入口，都係嗰句啦，有女仔口水嘅嘢食點都好味啲嘅。
蚊：「點解你唔直頭返公司食飯嘅？」
我：「我兼職㗎咋，點會包埋飯喎，雖然理論上我可以攞啲剩低嘅火鍋料去烚一烚撈埋飯煲底啲飯食，不過費事啦，好樣衰㗎嘛，堂食又唔似得M記咁有員工價。」
食完飯之後我哋一齊離開咗大家樂。
蚊：「你重有半個鐘先返工喎，不如去公園坐下先？」佢用平靜而期待嘅眼神望住我。
我：「好呀。」EX叫到我當然聽話。
其實我係早咗出嚟嘅，因為原本我就諗住早啲返工去搵Angel姐姐，不過無所謂啦，細蚊係個更重要嘅女仔，而且Angel重有好幾日見面。
到咗公園呢個時候當然無晒小朋友好鬼靜，我同細蚊坐喺韆鞦上面一路搖一路謦欬，如果俾著以前肯定襯無人即刻伸手入去拆走佢個Bra，再玩硬佢粒lin，然後佢會求饒，哀我帶佢返屋企將佢正法…唔得，我唔可以諗咁多。
蚊：「睇到你轉變咗咁多都幾大感觸。」




我：「都係返下工啫…無乜嘢嘅…」
蚊：「唔係你做啲乜，而係你嘅心態。」
我：「對唔住呀，我以前無好好對妳。」
蚊：「唔關事嘅，我諗我都唔係一個好女仔，所以唔可以好似女神咁改變到你，迫都迫唔嚟。」
我：「唔好咁講啦，妳都算正正常常…」
蚊：「係呀，正常咁無乜特別，無乜優點囉。」
我：「都無乜缺點吖…唔好同Queenie比啦，佢打從一開始同我哋就唔係同一個世界，有時我望住佢都覺得好有距離感，我根本就無信心自己可以親近到佢，好似好傻咁。」