蚊:「知喇,見過鬼重唔怕黑咩,如果下次你唔止係鎅親而係俾人捅一刀點算喎,我唔捨得你為我受傷呀。」佢摸住我肚仔講。
我:「唔好再講喇,聽到都覺得痛,係呢,Carmen佢呢排點呀。」
蚊:「嘻,睇嚟你掛住佢多過掛住我咁喎,係咪想俾人捅一刀然後搵佢急救先。」
我:「咪玩啦,我唔想死住呀,關心下朋友啫,妳又唔係唔知我同佢嘅關係係點嘅。」
蚊:「你咪佢隻玩具囉,佢先唔會睇得上你呀,Carmen就考DSE喇,日日都匿埋溫書,我都好少見到佢,喺我間學校佢都算奇葩。」
我:「嗯,希望佢考得好啦,妳都要學下佢。」
蚊:「我會㗎喇…我想…抱下,得唔得?」
我:「細蚊…」
蚊:「無拖拍有啲寂寞,想抱下啫。」
我:「我咪又係無拖拍,嚟啦。」


於是我一嘢攬實咗佢,不過同以前唔同嘅係我下面無硬咗頂住佢,而係衷心祝福佢以後過得好;其實唔係情侶都可以抱嘅啫,QQ都會咁樣抱住我,抱住…可以感受對方嘅心情,互相支持。
於是我哋就安靜咁攬埋一嚿一分鐘有多。
蚊:「驚唔驚會俾Queenie撞到?」
我:「唔驚喎,我又唔係佢邊個,佢自己同男朋友拍拖就得,唔通我攬下EX就唔得?就算係女神都唔可以咁霸道,鍾意佢都唔係咁。」
蚊:「唔好嗌我做EX啦,好傷感。」
我:「邊係呢,細蚊,妳對我嚟講好重要㗎。」
蚊:「梗係啦,係邊個畀咗第一次你呀?」
我:「咁我都畀咗第一次妳吖。」
蚊:「無話你對我唔重要呀,不過…你啲第一次係畀Carmen玩殘玩謝先嚟畀我,係佢唔肯接收你第一次先留得到畀我咋嘛。」
我:「點都好啦,總之我哋都係第一次。」


呢個時候我哋分返開,互相望住對方嘅瞳孔。
我:「細蚊,一齊畀心機,我哋要為咗自己嘅幸福而努力。」
蚊:「嗯,知你好努力感動女神喇,不過如果有一日失敗咗你走嚟搵返我,都或者重可以考慮下嘅。」
我:「多謝妳咁睇得起我…」
蚊:「唔講喇,就嚟搭半,你快啲去返工先啦。」
我:「係喎,唔該細蚊妳提我,下次再見!」
講完我哋就揮手道別,估唔到我重可以同佢做返好朋友,呢種感覺幾好,希望可以一直維持到,或者我應該感謝條契弟鎅咗我一刀令到我倆可以坦誠相對,冰釋前嫌。
已有 0 人追稿