我怎可能是女神👸🏻獵人🏹（第一季更新至斷更為止）: 304

A：「你搞乜鬼呀！」
我：「我都唔知。」
A：「又話唔飲啤酒！？」
我：「為咗妳飲幾多都得。」
我喺石壆跳咗落嚟面對住Angel，放低個吉樽，再抱到佢實一實。
A：「無呀…啤酒妹唔賣酒…畀細路㗎。」
我：「曳細路識自己偷嚟飲。」
呢個時候Angel都抱返住我，好用力嗰隻，連隻腳都夾實我，不過我哋就唔係做嗰啲嘢喇，而且都無心情；我同佢都無出聲，只係狠狠咁抱住，漸漸我覺得頸背好似濕濕地，可能因為係姐姐所以要面就好安靜，剩係得啲呼氣嘅抽吸聲。
我諗攬咗成五分鐘都有，我有無試過攬住一個女仔咁耐呢？應該有，不過以前同細蚊攬五分鐘應該就已經精都射埋出嚟。
A：「你飲晒我重有乜嘢飲？！」


Angel個妝散散地，但我覺得佢而家更加靚，女仔真正嘅靚係由個心散發出嚟，而唔係靠啲外來物撻上塊面度，喺屋企戙高隻腳hea爆食蝦餃嘅QQ早就證實咗呢一點。
我：「嗝嗝…重有…少少可樂。」為咗唔影響氣氛，頭先攬住佢一直忍住道氣，終於嗝晒出嚟。
A：「嗯，好鬼死甜…」佢真係飲我罐汽水。
係喎…咁樣我哋咪間接kiss咗？不過算啦…
我：「代糖嚟㗎咋，假㗎。」
本身我係唔介意飲有糖可樂嘅，以前成日通街躝，喺球場打波打到十一二點，夜晚可能食個便利店飯盒就算，一罐有糖可樂正好為我補充少少廉價嘅卡路里；但而家受到QQ嘅潛移默化，又成日匿喺屋企陪佢，咁嘅話…好似太多糖都唔係太好。
我唔知代糖呢樣嘢係咪完全無害，但係喺味道上佢可以完全咁呃到人，麻醉你嘅精神需要，簡直就係好甜人士嘅美沙酮；如果愛情都可以有代糖你話係咪幾好，有免費嘅PTGF，有貪玩嘅姐姐畀我任砌，有EX心甘情願為我出精解決性需要…而唔係諗住聽日有個衰妹同我講情人節要出門口搵條仔扑嘢。
係呀，扑嘢呀，做愛呀，行房呀，交配呀，敦倫呀，媾合呀，雲雨呀，啪啪呀，插插呀，菟絲女蘿呀，共赴巫山呀，桑林野合呀，分分鐘中出埋添呀，陰功！屌！都唔知個爛作者成日同我神交留低咁多粒字喺度做乜，而我聽日呢，就係一個人留喺屋企等返工，好彩聽日重有Angel姐姐。