我怎可能是女神👸🏻獵人🏹（第一季更新至斷更為止）: 310

Angel姐姐，好舒服。
Angel姐姐，好溫柔。
Angel姐姐，好暖和。
呢個惜惜呢，係完整而無保留嘅，我諗有關惜嘅場面就唔好描述太多喇，呢啲有關流體力學同埋耳鼻喉氣動力學同埋微生物生長環境交互作用同埋腦內分泌生化學嘅嘢實在係太深奧，絕對唔係靠三言兩語就可以講得明；小弟建議大家親身經歷體驗一下就會明，男仔嘅話只要唔好諗住目標係女神，將條bottom line降低一下無謂難為自己，成功機會就大好多；如果係女仔就不妨大方少少，惜惜係唔會無咗忽肉嘅，無目標嘅話都可以益下啲兵，感受下點樣畀人惜，惜完之後啲兵就會更加惜妳，再保持一貫嘅禮物照收，態度照舊就得。如果以上嘅可能性都係無嘅話…或者你可以參考返爛作者嘅其他文章嘅場景。
頭先重諗住飲佢枝啤酒係間接kiss，估唔到咁快我就已經成口Angel口水；Angel果然係好專業，同Carmen一樣，雖然兩位姐姐嘅態度好大分別，但就一樣令我甘之如飴；不過由於我哋唔係情侶，佢無攬到我好實，我亦都無好好咁愛撫佢，只係輕輕咁扶住佢條腰，無乜纏綿嘅感覺。
A：「好喇，我要返屋企，你返去都小心啲。」
我：「放心啦，我好安全…Angel姐姐唔好郁。」
剩係Angel做主動，我覺得點都差緊啲，我其實好想認真咁愛一下呢位姐姐，可惜事實唔容許我咁做，不過我都好想話佢知我嘅心意。
我撫摸住佢塊面，同頭先唔同，我無好突然同埋激動，只係眼定定咁望住佢，佢又深情咁望返住我，慢慢咁我哋兩塊面越貼越埋，直到嘴唇緊緊咁貼住，我無侵入姐姐嘅身體，只係溫柔咁吸啜住佢嘅嘴唇。
呢下係QQ教我嘅，上次佢要我瞇埋眼，都係咁樣惜我，雖然無玩到條脷都攰埋，但就會感受到滿滿嘅濃情蜜意。


呢一刻我哋嘅眼裡只有對方。
我：「Angel姐姐，我會惜妳㗎。」
A：「多謝你情人節嚟陪我喎。」
我：「嘻嘻，我聽日重會繼續陪妳返工㗎。」
A：「快啲走啦，唔想對住你呀，無鬼用嘅死人頭。」
我：「嗯，咁妳快啲返去打個潛艇，瞓個好覺啦。」
A：「唔打潛艇呀，無人惜我都唔舒服。」