我怎可能是女神👸🏻獵人🏹（第一季更新至斷更為止）: 313

屌，睇到佢呢個衰樣，我都想做下女仔畀人屌；學Angel話齋，㨃完草，畀邊個扑緊都唔知，好爽…
我：「祝妳玩得開心啲啦，Queenie。」
Q：「唔好羨慕我，快啲去溝女啦。」
又係呢句…想我點啫，如果妳溝得，我一早溝咗啦，呢個唔係成功與否嘅問題，衰咗我都認命㗎，妳係女神大把仔揀，呢個結果都可以話意料之內。但我哋而家咁樣，完全係一場無結果嘅遊戲嚟，要我無端端放低妳嘅所有，再全心全意去愛另一個女仔，我真係搞唔掂…而且我之後重要繼續養妳，有邊個女仔會忍到？
QQ出門其實好忙，所以我都懶得騷擾佢，望住佢打扮就成為咗我其中一個樂趣；靜靜地睇住佢著衫褲鞋襪，幫塊面搽呢搽路，磨下啲手指甲，捽下啲lotion同cream，set下啲頭髮…點解女仔啲時間硬係咁禁用嘅，短短半個鐘就做到咁多嘢，我哋男仔只要發下白日夢性幻想扯下旗就無咗半粒鐘，唔怪之得佢哋考試得嗰一粒鐘都可以寫滿咁多版紙。
其實…琴日Angel係咪一早已經預咗約我同專登著得靚啲呢？係嘅話我會好開心，但我又唔敢問佢。
Q：「我今日掂唔掂呀？」佢喺我面前轉咗個圈。
佢又著住南丫島嗰日條長裙，裙襬隨離心力飄起，再加埋佢對耳環，手鍊，好動態…我心諗，戴咁多嘢上身到一陣扑咪又要除返落嚟，唔驚拮親咩，實在係多此一舉。
我：「妳日日都咁掂㗎啦。」
Q：「睇嚟我問你都係多餘嘅。」佢攤攤雙手。




我：「我係想講，男仔眼中嘅女仔點望都係裸體嚟嘅，所以妳出面著咗乜其實對我哋嘅審美視角無乜影響，我哋著重嘅都係『內在美』。」
Q：「膚淺，你以為個個都係你咩，以己度人。」
我：「我諗我可以為九成男仔做代言人嘅。」
Q：「唔同你講喇，佢已經等緊我，咁你…自己喺屋企好好享受下啦，bye bye！」
QQ一路望住我奸笑一路揮手道別，想點喎，我都知妳心花怒放，係咪想笑㞗我呢條毒撚啫？
要忍住，唔可以亂咁call細蚊上嚟攪三攪四，至少唔可以咁快失守，我要做一個有道德嘅男人。
男子漢大丈夫，既然琴晚講過要打Angel飛機，講得出就要做得到，要做一個守承諾嘅乖孩子，雖然我諗佢唔會當呢樣嘢係承諾嚟。
首先起身去殊殊清乾淨個膀胱先，再用紙巾嗦乾淨晒尿道入面啲剩餘液體，以免一陣泌出嚟整濕隻手影響心情，再配合少少剩餘嘅晨勃，坐咗喺電腦面前。
唔得，我唔可以參考其他女人，咁同諗住㗎車攪細蚊有乜分別？我要尊重Angel姐姐，要一心一意諗住佢，將我儲咗喺體內三日嘅嘢都交付晒畀佢。
但係，我只係幻想佢嘅身體，回憶返我琴日見到嘅嘢，再喺腦海入面將佢蹂躪，咁又可以叫做惜佢？唔得…唔可以剩係靠外表同肉體，要有啲感情先係波，但我同佢又唔算認識得好深，現實嘅我又係那麼的無能為力。




一諗到要同姐姐建立感情，個心就話我知喺度背叛緊Queenie…我諗我就黐線。