我怎可能是女神👸🏻獵人🏹（第一季更新至斷更為止）: 351

佢飛快咁喺被竇入面扯咗條湖水綠色嘅底底出嚟，喺潭湖水上面有一大片紅潮，明明…冬天藻類嘅繁殖能力係應該無咁猛烈㗎…
Q：「重望乜鬼呀，快啲幫我攞住呀。」
我：「呢層呢…」我呆咗咁望住笪血漬。
Q：「我唔想出去呀，快啲幫我處理咗佢，我唔要放喺床頭呀，如果唔係我掉出去就算。」
然後我用兩隻手指鉗住咗條底底嘅邊，一條熱辣辣嘅底底，重係濕淋淋咁，睇嚟真係大豐收。
跟手QQ就伸手入去被竇裡面著底褲，而我就繼續小心翼翼咁鉗住條證物行入廚房；唉，呢個女神搞乜鬼，就算係再瘋狂嘅Carmen都唔會叫我咁樣幫佢：無辦法啦，都唔係啲乜嚟啫，於是就喺佢條底底上面扯咗塊M巾落嚟掉落垃圾桶，條底就入洗衣機…係咪應該要洗手呢，明明掂完女仔嘢係應該唔想洗手至係。
或者有一日我係咪應該攤喺床打完飛機搞到成個肚都係災場，然後叫佢嚟幫我處理下呢…佢都曾經講過，啲卵呀，精呀，都只不過係其他生物嘅食物嚟，究竟佢係咪想搞到我以後唔敢食雞蛋先安樂…
不過食雞蛋呢件事本身就唔多安樂，曾經睇過條YouTube片講過啲雞場剩係要啲生到蛋嘅母雞，所以啲低價值嘅雞仔男BB就會俾人分類，送上輸送帶，再跌落攪拌機，化為蛋白粉飼料。
明明劏隻大雞我哋就食得好開心，但睇到雞仔BB攪爛就會覺得殘忍，點解會有呢種心態嘅呢？講下講下有啲肚餓想落去買盒叉油雞飯嚟食添，但已經買咗兩轉嘢，無理由再落去㗎。
順帶一提，喺大自然嘅母雞一年都係生十幾二十隻蛋，落到嚟人類手上，聽聞喺中世紀已經培養到可以生五六十隻，到咗而家每隻母雞一年係接近生三百隻蛋；換轉嚟講，即係假如QQ每日都M到，由年頭到年尾都無停過，又好似清水健拍AV，每日都要出三四次，呢種產量實在係好唔人道…唉，兩個幾一隻雞蛋，可憐嘅雞仔…




換完M巾嘅QQ好快就瞓返，而我就繼續同孔乙己打交道，係打交道而唔係打柒佢，佢都已經好慘㗎喇；溫完書就上線打下機，咁啱又見到傻仔健，佢又串我話乜返屋企溫書結果又打機，不過佢今日好似唔記得咗Kuromi，正好唔使煩住我。
打下打下見肚餓就開咗盒黑罐一路食一路打，直到個傻仔七點幾開飯，話咁快就已經俾我食咗三小兜曲奇；唉，我都好想有人煮飯畀我食，點解呢個女人咁鬼無用㗎，亦都想落去買外賣甚至乎係嗌外送，但始終都係唔平，我唔可以咁嘥錢法，一陣QQ又唔捨得食晏晝我睇到就會心痛。