我怎可能是女神👸🏻獵人🏹（第一季更新至斷更為止）: 395

我：「小朋友炒飯就梗係落雜豆㗎啦。」
其實就唔一定嘅，不過去佳寶買zero嗰陣順便攞咗包，貪佢容易處理唔使洗菜唔使切又快熟。
Q：「我唔係小朋友嚟。」明明平時成日扮細路女…
我：「妳唔係諗住同我講妳唔食雜豆呀？」
Q：「我唔食綠色，其他OK。」
我：「原來妳都會有嘢唔食…倒咗落去都無辦法，妳得閒咪去雪櫃攞出嚟揀走晒啲綠色囉。」
Q：「你直頭唔落咪得囉。」
我：「得喇，我下次揀返走啲綠色自己用…」
炒炒下飯，佢無端端搭住我膊頭再貼個身埋嚟，係直頭掂到嗰隻，咁佢真空嘅點都有啲軟軟哋嘅感覺。
我：「Queenie…想問下妳喺度做乜？」




Q：「無做乜，色誘下你咁囉。」
我：「吓，點解要色誘我？」
其實有一刻，我幻想佢會同我講愛上咗我，所以把持唔住自己嘅身體，想成世食我嘅香腸…五香肉丁蛋炒飯。
Q：「你咁惜我，我唔知點惜返你，唯有益下你。」
我：「多謝…但唔使色誘我喇，我都會對妳好，妳過得開心就得。」
Q：「哈，唔領情咁話呀，梗係嫌我喺度阻住你。」
我：「無…但妳整到我有反應我重點炒飯…」
Q：「你覺得如果一路炒飯一路J，你會用邊隻手炒飯，邊隻手J？係咪右手J，左手炒飯？」
我：「傻嘅咩…一嘢唔小心唧咗啲蛋白質落去點算？」
Q：「無點算，當加料囉，反正入面本身都有好多蛋白質，不過我就唔食嘞，留返畀你自己食返，好啦，唔阻住你，你好好努力。」




好肯定，佢係對啲青豆懷恨在心，所以惡攪我嚟報復，論百厭嘅話佢同Carmen都一擔擔。
炒完，我食一大碟，佢食一碗，我已經盡可能潷咗肉眼睇落無咁多青豆嗰忽畀佢，不過佢都係好努力咁揀返出嚟，一粒一粒大珠小珠落玉匙咁放喺隻羹上面；我當然懶得理佢自己食飯先，因為我食完重要趕落去返工。
我：「得返一兩粒啫，妳使唔使好似尋寶咁，夾埋啲飯食咗落肚都唔知啦。」佢搞咗已經三分鐘有多，而我已經食咗半碟。
Q：「你唔明㗎喇，呢個唔係食唔食嘅問題，而係心理上嘅問題，將成碟飯啲青豆揀晒出嚟，會好有成功感，但如果食食下再發現一粒嘅話，心情就會突然之間變得好sad。」