我怎可能是女神👸🏻獵人🏹（第一季更新至斷更為止）: 412

健：「都黐撚線嘅。」黐撚線得過你迷上一個連樣都未見過得把聲嘅女仔？
口就鬧鳩我，但隻眼就昅實Bubble，呃唔到人。
而我左手邊…我成日覺得細龜有個氣場圍住佢，雖然佢份人其實無乜嘢，但一對住部電話入面啲偶像，就好似靈魂出竅去咗另一個世界咁，莫講話二次元定三次元，係直頭去咗另一個空間…當然亦唔會聽到我啱啱講嘅鳩嘢。
龜：「乜事呀…難得中兩張SR…點解都係星野南…」我唔知佢係用錢定係肝咗幾多積分返嚟抽，只睇到佢十連抽中咗兩張閃閃嘅角色卡。
我：「中兩張SR唔好咩，個女仔都好可愛吖。」
我䁽落去，呢個睇起上嚟重正過佢最鍾意嘅遠藤桜。
龜：「唔好，呢個衰咗㗎喇，差唔多離團，佢去男仔屋企過夜俾記者影到，重為咗溫仔而請假唔開工，一直以嚟佢都扮到係有麪包食就好開心嘅清純簡單女仔，估唔到暗地裡原來咁污糟，都唔知點做偶像嘅，完全係不知所謂。」
都係咁啦，一講偶像就可以撬開佢吧口。
我：「咁…佢睇嚟都唔係細路女吖，拍下拖都好正常啫，唔係俾人影到啲變態嘢咪得囉。」
龜：「唔得㗎，做偶像係要絕對嘅清純，試問一個夜晚會同男人瞓喺同一張床上面嘅女仔，我哋又點鍾意得落呢？諗起都想嘔，偶像拍拖，就等於佢嘅演藝事業已死。」




我都唔識形容，見佢認真嘅眼神亦唔敢反駁佢；都唔知佢哋嘅諗法究竟係超現實定唔現實，偶像都係一份職業嚟啫，女仔總會想俾人惜，有性需要，我就唔信其他成員無偷偷地拍拖或者同男仔上床，唔通成隊咁多人啲廿幾歲嘅全部都係處女嚟咩，係你哋先會咁天真。
如果去男仔屋企過夜就係死罪，見到佢就會想嘔，咁我睇住QQ上條仔屋企送外賣，畀人中出到盤滿砵滿，咁我係咪要憎死佢？無辦法啦，鬼叫我同唔到佢一齊，我都想佢開心嘅，如果佢條仔惜佢咁都OK啦，雖然我就好想睇佢畀人插到發晒姣咁嘅樣，就好似睇AV咁…係囉，日本啲AV女優上埋床打埋真軍畀你哋睇咁點解又OK？啲fans分分鐘重多過啲偶像，唔通同人唔同命做AV女優重矜貴過做偶像？反正兩者都係透過銀幕去觀賞，都係喺現實上面得唔到嘅假三次元。
正當我諗諗下嘢嘅時候，我發現到有個紅社嘅男幹事走去瘟神耳邊講咗兩句，佢就掉低兩個師姐同班啦啦隊走咗去，好似好趕咁；然後唔使十秒，隔籬兩枱男仔又突然起身飛奔過咗去籃球場方向，直覺話我聽應該有啲嘢發生。
我：「你覺唔覺得有啲奇怪？」
呢個時候阿健都攞咗部電話出嚟check message，估計就係佢哋個麻甩佬天文台group。
健：「你個女神…去咗練跳高。」