我怎可能是女神👸🏻獵人🏹（第一季更新至斷更為止）: 415

呢一下我勁想錄佢音，然後畀Kuromi聽，我諗K生個女一定會大發雷霆，繼而用另一個身份玩到佢謝一謝…其實我明阿健諗乜嘅，自己嘅以前都差唔多，但未至於衰到剩係想顏射人，QQ身邊啲女仔個樣都有返咁上下，單論玩嘅實在係唔使諗（舌累）飯應，可以話多啲嚟密啲射，但如果要相處就實在係怕怕，從來無諗過會對佢哋傾心…不過從QQ嘅狀況嚟睇，其實可能每一個真實嘅佢哋都唔係表面咁嘅…閪…樣。
另外就Yvonne無理由跳高嘅，佢矮過QQ幾cm玩呢樣嘢一定有啲輸蝕，暗地裡鬥過妳死我活嘅佢哋又點會俾呢個情況發生呢？
我：「咁你去睇邊個呀？」
健：「去到你咪知囉。」
由於平時實在係無乜機會練跳高，難得陸運會前一日set咗出嚟，所以就成大堆人圍埋等跟機；咁啲男仔就當然好紳士咁禮讓啲女同學，lady first吖嘛，而佢哋亦同一時間好紳士咁昅女。
都有六七個女仔喺度試跳，唔計啲堅砌嘅運動女，最引人注目嘅就係Queenie同佢個friend…欸…叫乜名呢，我都未同過佢同班，今次真係搲晒頭…喺度補充一下，我同阿健中一三同班，阿健阿康中二三同班，我同QQ就今年先識，中二嘅我因為某啲原因好似靈魂無返過學…
健：「佢叫做Zilvia呀，你女神啲friend都唔識。」
我：「乜女神喎，我當佢隔籬位friend㗎咋，所以佢同邊個玩我又點會知呢？」
唔係大話嚟㗎，喺學校就梗係咁啦，返到屋企先會當佢係我嘅寶貝同居女人。
呢個Zilvia，我係嗌唔出名啫，但都會有啲印像，係一個好文藝嘅女仔，個樣有少少病氣，由於乖孩子唔應該呃字數嘅關係，所以我概略用九個字嚟形容佢啦；喂！係九粒中文字呀！唔係四十五分鐘呀…都唔明你哋啲理解能力喺邊度學返嚟嘅！九粒字就係高瘦平、黑長直、粉白透，係個幾有特色嘅靚女嚟，面尖尖有啲似銀河鐵道999個女主角。




QQ同得我坐都唔會矮㗎嘞，佢好似重高兩三cm添，加埋輕盈嘅身軀，睇嚟跳高真係幾啱佢，雖然明顯地有肌肉量不足呢個弱點。
我：「乜你識佢㗎？」我講出咗我嘅疑問。
健：「上年同佢同班囉，實驗室堂曾經同佢坐埋同一組三個月，都叫識識哋嘅。」
我：「你鍾意人呀？」
健：「你估我係你咩，係女都啱，食得就食…唔會鍾意佢喇，我諗成間學校都無乜男仔會鍾意佢，佢好少出聲㗎，講嘢通常最多都係得三粒字，而且好少主動理人，感覺有啲凍冰冰，但佢唔會好似Y字頭咁口臭囉，都叫做好事嚟嘅，起碼唔會憎佢先，論副body都值得一睇嘅。」