我怎可能是女神👸🏻獵人🏹（第一季更新至斷更為止）: 419

做完正經事之後我就返屋企先，等咗五分鐘到QQ亦都返到嚟。
Q：「嘩！係麥樂雞呀！」細路女望到枱面嘅美食，兩隻眼睛又變咗做熟悉嘅喵喵眼。
我：「咪住先！」我擋住咗佢伸出嚟嘅魔爪。
Q：「搞乜呀，唔係想同我講罰我睇你食呀？」
我邊敢吖，就算小命丟掉不要緊，都驚俾佢閹咗成世人求生不得，求死不能。
我：「嗯…妳要做個任務先俾食。」
Q：「煩膠…乜嘢任務呀，我唔做壞事㗎。」
我：「我想睇你裙底。」
佢諗都唔諗就拉起咗條校服裙，露出入面白嫩嘅大髀肉同…乜色都好嘅底褲啦，重要喺我面前搖下搖下條腰，認真嚟講確實係十分誘人，而且幾鬼姣下，同日本啲界限寫真學生妹有得揮。
我：「妳…好靚女呀。」




Q：「呢個就不朽㗎啦。」佢放低條裙攤攤手答我。
同佢相處耐咗，到底…我係好識同女仔溝通吖，定係我已經俾佢搞到唔識同女仔講嘢？雖然我以前對住女仔都係咁嘅德性，但QQ嘅存在就好似麻目咗我一樣；如果係其他女仔，應該會鬧我死變態鹹濕仔做乜要睇佢裙底，然後我會笑笑口覆返佢，係仔都想睇㗎啦，想咋嘛！
但對住QQ…我已經唔識畀相對嘅反應…唔通我真係抱住佢屁股嘴落佢條底度咩，而且睇得多咗早就習慣成自然，好似無乜感覺。
我：「點解妳可以咁正㗎…」
Q：「睇得多你電腦入面啲寫真，點會唔知你想要啲乜喎。」
我：「做乜偷睇我啲嘢…」
Q：「乜嘢偷睇，係你自己唔收埋咋嘛，都話咗我攞嚟取材用，寫下服裝，動作，神情嘅時候唔使無中生有，輕鬆好多吖嘛。」
我：「妳自己都係女仔嚟啦，使乜參考…」
Q：「女仔都有好多種㗎，我唔想搞到自己精神分裂，同埋下下要照鏡望下自己都覺得煩啦！有個版喺度會易諗好多，我正打算要喺我個小說入面加個女角做情敵，嗯…要靚得嚟比較庸俗，同埋鍾意發姣嘅，會激到女主面紅耳赤嗰種。」
我：「咁係咪可以搵Yvonne嚟做版？」