我怎可能是女神👸🏻獵人🏹（第一季更新至斷更為止）: 443

龜：「望住我做乜…我乜都唔理，當我唔喺度就得。」佢講完就繼續埋首喺袋入面嘅app game。
我：「呢啲嘢…無乜特別啫，你覺得係就係啦。」
豬：「做乜呀，過咗兩年都未夠，你含蓄咗咁多嘅？」呢個質疑我嘅眼神係有啲細路仔。
有啲嘢，未試過先會大大聲講出嚟慌死條街唔知咁，就好似十五歲嘅凱婷會話佢一次過食兩枝煙；唔通Angel姐姐會周圍唱自己以前㨃草咩。
我：「無呀…容乜易你懷恨在心錄我音報警拉我…老屈我呢個既清純又純良嘅小朋友。」
豬：「唓，我先無你咁小學雞呀！而家破咗處就喺度扮唔識人，我啱啱諗起，呢度有個挖坑渠嘅好地方，就係跳遠嘅沙槽！」
我：「原來…你重記得我以前嘅亂噏廿四。」
豬：「梗係記得啦！精警到咁！瞓喺個地下向上望就有女仔髀罅睇，重過癮過迷姦佢哋。」
初生之犢不畏虎，講嘢係特別黐線，希望佢未來唔會變咗個強姦犯啦…
我：「哦，好呀，但你挖完瞓入去，女子組啱啱跳完變咗男子甲組，諗下而家睇到乜？」




豬：「嘩！好狠毒呀！我隻眼…係蛋呀！」
我：「望清楚啲！連蓻毛都叉埋出嚟喇！」
豬：「救我！救我！係荔枝呀！變壞埋滴緊水！」
我：「低B，嗰粒係紅毛丹嚟㗎！」
其實…係我哋刻意小學雞吖，定係本來就咁小學雞？我答唔出，不過係開心嘅，但呢啲畫面如果俾QQ睇到唔知會鄙視我到邊個地步。
豬：「你就低B，信唔信我塞粒紅毛丹喂落你口？」
我：「我堅低B，信唔信我咬爛粒紅毛丹泌到佢噴汁？」
豬：「唉，好想舐鮑魚。」
我：「去叫雞咪有雞鮑翅舐。」
佢無覆我，通常小學雞話題爛到去某個位就會自然停止；好難相信細龜同佢竟然friend到，或者因為本來細龜就生存喺佢自己嘅世界，身邊人係點佢根本就唔care。




嗯，重有十五分鐘到就放飯，係時候去搵阿健。
「喂！死肥豬！你話今朝plan嘢plan撚咗去邊呀？！」我哋嘅背後傳嚟一把女仔聲，非常響亮，著住藍色嘅PE衫，緊緻嘅PE褲下面係一對矯健而又不失體態曲線美嘅長腿，心口重掛住咗個金牌，應該係啱啱經過看台最高條通道行過嚟。
佢…好熟…應該係…死火…叫乜名呢…
豬：「女班長…我唔喺度…妳睇唔到我…睇唔到我…」佢一路講一路拉郁細龜個身嚟遮住自己…睇怕，小學雞呢種特殊技能係無咁易消失嘅。
真係好好笑，一個女仔嗌佢死肥豬竟然囈都唔囈下，真係無用得佢…
「答我呀！星期六去邊撚度燒嘢食？幾點去？搭乜車去？邊個負責買啲乜？」
面對住女強人班長嘅進擊，原來豬都會選擇變做石像，唔通…呢個女仔係梅杜莎？
「咪扮死呀！班會主席！」原來佢係主席…
唔方唔俾人煮到直一直，睇怕又係老屈出嚟。