我怎可能是女神👸🏻獵人🏹（第一季更新至斷更為止）: 554

我：「我…如果唔係親眼見過，係絕對唔會相信。」
Q：「你大我呀，我先唔會畀你睇呀！」
我：「無人話要睇…我對妳好有信心，不過鮑魚呢樣嘢，我諗清潔衛生係重要過生成點。」
Q：「你知就好啦，記住沖涼沖乾淨啲呀！不過…我隻鮑魚，其實我男朋友都無乜點睇過。」
我：「因為妳成日都匿喺張被入面先同佢…」
Q：「都係嘅，人哋好矜持㗎嘛。」
我：「唓，妳係扮矜持咋嘛，呃唔到我。」
Q：「呃到條仔咪得囉，咁樣先等佢可以更加惜我㗎嘛…不過就算唔係喺被入面，女仔就咁企喺度或者坐喺度，又唔係擘開隻腳都唔會見到乜。」
我：「即係佢未曾用口幫過妳？」
Q：「未呀，我又唔會叫佢做呢樣嘢，佢都好似唔多想咁，剩係識叫返我用口幫佢。」




我：「原來係咁…其實，女仔係咪唔會諗住男仔下面㗎？」
Q：「有乜好諗喎，我哋先無你哋咁鹹濕呀，日日諗住人哋個身體，女仔係鍾意俾男仔惜，而唔係想對住你哋條嘢囉，不過呢…有時見到個男仔因為自己變到好硬，都會有成功感嘅。」
我：「你咁靚女…硬係正常㗎喎…」
Q：「點都唔夠啲低B仔見到Queenie’s vagina兩隻英文字就硬晒態咁唔正常。」
我：「邊係喎，邊單止係咁…」
Q：「我問你吖，鮑魚嘅英文係乜？」
我：「點會識喎，呢啲咁奇怪嘅生字。」
Q：「估下啦，你成日諗住人哋隻鮑魚，但唔識鮑魚英文點叫唔係好怪咩？」
我：「有乜咁怪喎…鮑魚…咪bread fish囉。」
Q：「好爛喎，我係絕對唔會笑嘅。」




我：「咁不如叫vagina fish，橫掂都一樣樣。」
Q：「係都叫pussy fish囉，嗱，你睇下呢度。」
佢打開咗佢本生字書放喺我面前，啱啱就係海洋生物嗰一頁，我睇到鮑魚原來係叫abalone，嗯…即係阿爸用個窿就係鮑魚？咁我出嚟個窿都一樣啫…我重順便睇埋蟶子係razor clam。
食完豆花，我哋又手拖手返屋企，然後沖涼瞓覺；雖然QQ隻鮑魚日日喺我身邊，我無得睇又無得玩又無得摸又無得食，但已經覺得好幸福。
可以幻想，可以諗，就好似活喺夢入面咁。
到咗星期日，當然又係懶覺豬嘅日子，通常都會瞓到個鐘兩枝針一齊指住個天。
我：「呼嚕呼嚕…Queenie妳重喺度呀？」
Q：「嗯，我兩點先出去，佢而家重要補習。」
我：「撞鬼咩…星期日重有補習社開㗎？」
Q：「唔知喎，臨考試季前好似有，不過佢係私補，個大學生係得星期六日得閒。」




我：「大學生？哥哥定姐姐嚟？」
Q：「係姐姐嚟…」
我：「有錢真係好…我都想要姐姐幫我補習…」
Q：「我陪你一齊溫書，當係妹妹幫你補…」