解決完生理需要之後,就繼續解決心理需要。
自從換咗display卡,我攞返好多陳年3D game出嚟玩,不過而家由低畫質換成高畫質,直頭變咗另一隻game咁;今次輪到dishonored 2,喺個蒸氣城市入面走嚟走去,得閒放暗箭射下人,開心過去廸廸尼玩啦。
結果一玩就玩到欲罷不能,玩到天黑,玩到QQ都返埋嚟;當然,有機打我係可以食少餐飯嘅,橫掂個tea食得咁豐富。
Q:「你又喺度玩埋啲打打殺殺呀?」
我:「Queenie妳拍完拖返嚟喇?」
Q:「嗯,係呀,我返咗嚟喇…」
我:「妳都食飽㗎啦,我玩埋呢版要去返工喇。」
我抄極小路都俾個stage boss發現,暗殺唔成功,憑武裝硬撼又唔夠打,結果不停load save。
Q:「咁我去換衫先。」
緊張關頭,我重邊有時間分心理佢,繼續埋首腦前搵每一條路嘅可能性,希望返工前搞掂呢版。


過咗幾分鐘後,戰況仍然膠著,我喺閣樓望住個boss,一箭打唔死佢會call馬,跳落去又會俾佢個隨從發現,等我睇下有無乜超能力用得著先。
Q:「喂,我喺度㗎。」
QQ喺我後面用雙手捉住咗我膊頭。
我:「嗯,我知妳喺度㗎。」
Q:「停一停個game先啦。」
我:「俾我試埋呢一次先,唔得我就抖下…」
Q:「你話過會惜晒我㗎喎。」
點知佢喺我後面用手遮住咗我對眼,我唯有憑感覺㩒一下手掣上面嘅暫停制,咁其實我係閣樓上面伏緊匿匿都無乜嘢嘅;頂,攪乜鬼呀,死八婆!我真係想咁講㗎,但係最後都無講出口…明明都已經每個週末返工搵錢養佢,重唔夠惜佢咩;妳自己就開開心心去拍拖兼有免費飯食,我就留喺屋企幫妳洗衫褲襪底底,因乜解究我放假打下機都要嚟阻住我。
我係有少少躁嘅,想反手一嘢揸落佢個波度,但係我又唔敢,都唔明對住佢做乜我會變到咁無用。
我:「係喇…不嬲都惜晒妳㗎啦。」


Q:「主人,我返到嚟屋企喇,你理一理下我啦。」
吓,主人?乜嘢事,點解佢會叫我做主人?我何德何能做妳嘅主人喎,如果我係妳主人,我一早就已經為所欲為,上下其手,龍精虎猛,出入平安,東成西就,車水馬龍,九牛一毛,熱脹冷縮。
唔止咁添,佢重用啲好軟綿綿嘅嘢頂住我條頸…咁又唔同,妳個衰妹吖,明明先啱啱同條仔happy完,做乜一返嚟就大送秋波,點解妳會變到咁曳嘅,妳咁人盡可夫信唔信我唔養妳吖嗱。
不過QQ古古怪怪咁,我都係唯有撥開佢隻手,擰轉個身嚟睇下佢心口葫蘆賣緊乜嘢藥。
我:「嘩!妳!妳?到底…玩緊乜?!」
※※※※※
時間要數返去大約兩個鐘之前。
我:「喂呀…唔好咁鹹濕啦…」
「邊係鹹濕呢,我惜妳咋嘛。」
我:「咪除我個Bra啦,有人睇到點算…」


「唔係除,解鬆啲咋嘛…畀我摸下,妳都舒服。」
我:「如果…啲鋪嘅員工出嚟食煙點算喎。」
「應該唔會嘅…差唔多六點鐘peak hour嚟,有邊個敢出嚟偷懶喎,我又唔係剝妳光豬,睇到又點,我伸隻手入去女朋友度幫佢搲痕唔係唔得呀?」
已有 0 人追稿