我怎可能是女神👸🏻獵人🏹（第一季更新至斷更為止）: 586

我：「嗱，囉住啦，唔使䚎喇。」我遞咗喺佢面前。
肥：「女…女王…女神…」佢個樣就好似信咗邪教咁，我諗呢個時候喂佢飲雙氧水都會乖乖就範。
我：「咁滿意未呀，我唔會要你蝕嘅。」
肥：「女王…我…可唔可以，要埋你對襪？」
我：「吖，頂你吖，咁貪心嘅…不過呢啲襪我平時都無乜用，就是但啦。」我正想喺袋度抽對過膝襪畀佢…
肥：「唔係呀，唔係呢對，係妳而家著緊…」
原來，佢嘅目標係啲學生短襪…變態就周度都係，可以咁有方向性嘅就實在係服咗佢，正常男仔，唔係應該會覺得過膝黑絲正啲嘅咩？
我：「都唔係唔得，但你以後要聽晒我話，唔准對任何女仔做埋啲古怪嘢㗎！」
肥：「得…可以，妳對襪夠成世陪我瞓覺㗎喇。」
無喇無喇…今次我實俾人J到暈都得喇。




而我，亦都好有技巧咁單腳企屈膝除埋隻襪出嚟，除完一隻再到另一隻，死肥仔吖，搞到我刮腳，唔係喎，我著返對黑絲咪唔會刮腳囉，雖然會同而家套衫好唔襯，但總好過…
我：「喂，唔准用手…抬高頭…擘大個口…」
而佢亦都好合作，用雙唇輕輕咬住我一隻襪，然後我再將第二隻襪掛喺佢塊面上，疊住佢個鼻，我諗對佢嚟講，成世人都唔會再有機會興奮過而家呢一刻。
我：「唔准郁呀，我要著返對黑絲。」
死肥仔，一定勁想睇我走光；當然啦，佢誠實嘅下半身已經向我說明咗一切；唉，諗下諗下，其實自己個男朋友都幾鶻突下，咪又係見到我個身體就扯到硬晒，差在佢係靚仔咁解咋嘛；反而交叉仔成日對住我，竟然又可以大部份時間保持冷靜，希望唔係因為睇厭咗我啦。
我：「你記得晒我講過啲乜㗎可？」
肥：「嗯…唵唔。」佢應該想講當然。
我：「嗱，多謝你嘅生活費，我而家唔嬲你喇，不過，我走咗之後你要繼續留喺呢度一分鐘唔好郁，唔好再跟住我，O唔OK？」
肥：「唵唵…」
我：「畀埋最後三秒你…」




我企喺佢面前，拉高咗自己條裙。
我：「三…二…一…返去精盡人亡啦。」
然後我就快步咁離開咗。
肥：「Kuromi女王！我會永遠記住妳！一定精盡人亡。」背後傳嚟佢嘅大聲喊叫，我唔得閒理佢把聲黑唔黑人憎，繼續加快腳步向下行，拜託千祈唔好有人以為我同嗰個黐線嘅死肥仔係識嘅…