又嚟文學推介…
之前有位小朋友寫李白嚟到現代,雖然後嚟變咗光榮式中史大蛇無雙,而且停更咗好耐,但其實我幾鍾意呢啲topic,奈何文筆有限我就唔打算挑戰嘞。
今次推介嘅唔係小說,而係動畫/漫畫:派對咖孔明。
網上已經有大量評價同簡介,我就慳返啲口水先。

我:「無呀,咁梗係要試玩下先買㗎嘛,如果唔係真係自己鍾意玩買咗返嚟又唔開咪好嘥錢,妳想嘅話我可以嚟幫妳裝個crack版㗎。」
W:「唔使呀,咪整壞我部腦,我都係志在休閒玩下再順便學下英文啫,basic pack夠玩㗎喇,遲啲先再買個貓貓狗狗pack,逐樣逐樣玩會開心啲,咁你通常會玩乜game呀?」
我:「都有玩模擬遊戲,玩最多係揸貨櫃車,真金白銀買,所有地圖嘅DLC都買齊添。」
W:「吓…揸貨櫃車?唔會好無聊咩?你啲喜好都幾奇怪㗎喎。」
未玩過嘅人,又點會明揸住大卡車喺歐洲街道遊車河嘅舒暢呢,尤其係換咗張顯示卡之後,就連QQ都會時不時開嚟兜下風,不過最大鑊係呢個女人攪到我架架車都變晒做粉紅色,重有啲狗仔掛飾喺個玻璃窗度捹下捹下,而我係囈都無得囈,私自轉走佢啲設計佢又會打扁我。


最重要係,我尊重呢個女人侵犯我遊戲美學嘅權利,因為我下半身早就為佢五體投地。
當然,升旗嘅時候都係因為佢啦,任佢舞呀!
估唔到同Wendy可以咁好謦喎,不過都正常嘅,由細到大我成日周圍蒲,所以比較容易識到女仔,而我又乜都會講嘅,一切習慣成自然。
食完飯,Wendy喺度飲佢杯熱朱古力,對我嚟講學生有得免費轉凍飲就梗係唔會咁傻仔,但我係絕對唔會質疑一個女仔點解嗌熱飲嘅;而佢一路飲,額角重滲咗少少汗出嚟,然後攞咗張紙巾出嚟抹,我諗…佢身入面早就焗到出汗,處於一種睇唔到嘅狼狽處境。
我:「係咪好熱呀…對唔住,要妳陪我嚟大排檔呢啲無冷氣嘅地方。」成日對住女人,呢啲客套說話我早就練到滾瓜爛熟,雖則心裡面明知大部份女仔都係麻煩,尤其係啲女神…大麻煩嚟。
W:「唔關你事嘅,我都無預計過今日會咁熱,先四月咋嘛…如果一早知就會叫你揀第二度。」
我:「係呀,今日有成廿六七度,重要無雲個太陽正住,不過其實…妳著住件長袖冷外套又點會唔熱喎。」對比起我呢個底衫都懶得著嘅衰仔嚟講…
W:「你…點會唔知我點解著喎。」佢扁住嘴望我。
我:「我就…梗係明嘅,但都…無理由辛苦自己。」
W:「咁耐,都慣㗎喇…係我本身容易出汗啫。」


我:「咁就,更加唔應該著冷衫啦,焗到出疹點算喎。」幻想一下打完波成身汗,跟住同啲波友去便利店食嘢,下面抽嘢焗到醃蘿蔔咁,就算唔可以即刻仆返屋企沖涼,都想即場除條底褲出嚟掉咗佢。
已有 0 人追稿