坦白講,以前嘅自己何止試愛,直頭係試用,有乜都扑完先講啦;就係因為已經試過青春,試過求祈同細蚊一齊…你問我同佢一齊嗰陣愛唔愛佢,有無心動嘅感覺,我實在唔識答你,我剩係知同佢做愛活塞運動嗰陣好疏肝。
論靚女、身材、好玩、性格,佢無一樣嘢係贏到Carmen,如果要同QQ比較就更加係災難,要講佢最大嘅優點,就係容易溝,處於弱勢會聽話…我唔想評價同佢一齊嗰陣係點樣,但我知自己傷害過佢,所以而家更加想保護返佢,一定唔會俾任何人蝦佢;我亦都好擔心佢,驚佢讀唔成書,驚佢學壞,驚佢會遇到啲好似Angel姐姐嘅經歷。奈何我自己都唔係好得好多,好似有啲五十步笑百步。
雖然無咗擁有佢嘅慾望,但以朋友嚟計,我同細蚊嘅感情比起以前深厚好多。可惜現實係我都唔太方便成日搵佢,身邊太多女仔會對我做成煩惱;真係夠晒可笑,明明以前係幾咁想有無數女仔圍住自己轉,而家嘅我最想就係同QQ兩個人安份守己咁喺屋企溫書,然後下年揀返同一班再日對夜對。
我:「係呀…咁妳同妳男朋友係咪又係試。」
Q:「都係㗎,嗰陣我識咗佢兩三個月就開始咗。」
我:「試成點,感覺良好嗎?」
Q:「So far so good啦,無乜大問題嘅,相處到亦都溝通到,但暫時重未有答案。」
我:「咁都幾好…一齊開心未得囉。」
Carmen同我講過,如果心中有答案,係唔需要諗。就好似當我要保護細蚊或者QQ,我係唔會諗自己有無機會受傷,要捱幾多刀,會唔會痛,唔需要因為或者如果,未諗到我就已經衝咗出去。
Carmen走嗰陣,曾經同我講過無可能,就好似考試對住份MC答題卷咁,你可能未必知道邊個先係啱嘅答案,但通常會知道一啲肯定錯嘅答案,而你係絕對唔會揀佢。


我當時有啲嬲,明明一齊玩得咁開心,點解我就係錯?擺明屈機嘅啫,係咪因為我窮得滯?
“大卡車,點解我就係錯?我有無機會變返啱?”
“唔知道,當你係啱嗰陣咪啱囉。”
曾經覺得係藉口,係無理取鬧,係亂噏廿四。
但而家開始有更深一層嘅體會,細味到箇中種種…
Carmen,我愛妳,縱使我唔啱。
唉,細蚊聽到實呷醋,都愛下妳啦,細蚊。
屌,兜兜轉轉我都係一個仆街。
Q:「暫時嚟講係嘅,有拖拍好過自己一個,女仔都係鍾意俾人惜。」
我:「Queenie呀,嚟緊幾日,我放學可能都會同韻婷留喺學校溫下書。」


Q:「係呀,咁好學真係好,睇嚟溫得幾開心。」
我:「咪笑我啦,既然佢開到口,咪一齊溫下。」
Q:「無問題呀,認真學習非常之好,咁我都搵下條仔一齊溫書啦,又或者你哋溫溫下書,就變咗溫女溫仔一齊咗呢,嘻嘻。」
我:「唔想諗呢啲住呀,我已經越嚟越擔心自己嘅成績,有乜都出埋分班結果先諗。」
Q:「嗯,懶得理你,反正你嘅感情瓜葛與我無關。」講就咁講,係咪反話大家心照不宣啦。
已有 0 人追稿