Q:「好可疑喎,因乜解究要掉低我一個人?」
雖然我覺得有啲衰,但拜託佢千祈唔好答我有問題,因為我已經應承咗人。
我:「呢個…係因為我約咗同學食晚飯,係…韻婷…同學…」對住QQ,我知道無得呃佢,如果我唔講出嚟只會顯得更加有問題,畢竟佢畀條仔中出完之後都會話畀我聽,但唔知點解我講Wendy個名嘅時候就唔可以保持理直氣壯嘅聲線。
Q:「呀可…」佢發出咗兩粒無乜意義嘅聲音之後就轆大隻眼定睛咁望住我,先係企喺我嘅左手邊,再移去我嘅右手邊,而且帶住詭異嘅微笑…有一樣嘢形容佢而家個樣係好適合,就係殺人娃娃。
Q:「恭喜你喎,終於有拖拍。」
我:「乜…乜喎,點會拍拖,我同佢只係朋友。」
Q:「我無話你哋係情侶喎,不過夜鼆鼆一對男女單獨約埋出街唔叫拍拖咁叫乜好?」
換言之,我平時同妳都可以叫做拍拖啦,係咪?但我當然唔敢亂講嘢,呢個時候再刺激佢實兇多吉少,隨時笑騎騎放條毒蛇出嚟閹我。
我:「無呀,佢話考完mid term當慶祝下囉,順便唔該我教佢計數咁喎…」
Q:「真係叻仔,識教女女計數添。」


我:「妳都知啦,我除咗數學無乜邊科掂。」
Q:「咁做乜要夜晚呀?日頭唔得嘅咩,週末去行街唔得嘅咩,平時食lunch唔得嘅咩?!」
我:「佢話我同妳係朋友…都半夜三更行超市…」
Q:「哦,原來你同佢已經係咁friend。」
我:「同埋…佢話食完我就去返工啱啱好。」
Q:「真係夠晒體貼喎,韻婷做你女朋友都可能會啱啱好。」究竟佢搞乜?玩我定真呷醋?
我:「放心…如果佢表白…實第一時間報告妳聽。」
Q:「唔使喇,唔關我事,食埋人哋隻豬都唔使話我知,啱嘞,我今晚自己都有啲嘢做,你唔喺度就啱啱好,唔使阻頭阻勢。」
我:「咁妳自己整嘢食啦,有蝦餃,有雲吞,公仔麪嗰啲妳知喺邊㗎啦。」
Q:「哼,你理得我,唔畀我自己落去食㗎?」


女神妳想點喎…咁人哋約我食餐飯唔通我話唔好咩,況且我又單身自己一個人住,就算要推都搵唔到啲得體嘅理由。妳自己去溫仔我都從來唔會講啲乜啦,雖然每次聽到妳畀人中出我嘅面色應該就唔會好睇得去邊。
最主要都唔係呷醋,係羨慕囉,點解咁唔公平…
Q:「咁你重坐喺度嘅?」
我:「重有成個鐘先出門口喎。」
我同韻婷約咗七點,諗住食到九點,其實兩個鐘已經好長,如果有嘢要發生嘅話已經乜都可以發生晒,亦夠我同大卡車玩到車毀人亡筋疲力盡。
Q:「你唔使揀衫㗎?重要沖涼呀,使唔使gel頭添呀?」拜託,我又唔係妳,換條長褲就落得街啦…
我:「使唔使咁凝重,平時返學都係咁啦…」
衰得過我同妳日日喺屋企爛身爛勢咁對住,sorry,係我爛啫,妳只不過係飛釘。
已有 0 人追稿