我怎可能是女神👸🏻獵人🏹（第一季更新至斷更為止）: 644

好彩佢著得夠密實，如果唔係佢咁嘅款我都唔知可以望邊度好。
謦下謦下，我就差唔多要返工喇，咁我就送佢去到屋企樓下，費事佢面紅紅咁俾飛仔撩就唔係太好；佢個樣就好似好開心咁，或者係聽完我同Carmen嗰啲瘋狂嘅故事掛，我都係分享咗啲最低程度嘅畀佢聽，例如猜下野球拳咁。
我：「妳塊面重紅紅哋喎，會唔會俾人鬧㗎？」
W：「放心啦，我會去走廊樓梯吹下風先，過多幾分鐘先入屋，你快啲去返工啦，bye bye！」
無論如何，我都會將佢定義為一個好女仔；無Carmen咁黐線同難捉摸，唔會好似細蚊咁亂嚟同懶，相對右女神嚟講一啲都唔麻煩，無乜入場費要畀。只不過，無感覺就係無感覺。
屌，我做乜搞到變咗成個女人咁，明明我就係有食唔食，罪大惡極嘅男人，唔通我中咗韻婷嘅毒咒？
行返公司重有少少時間，我無聊send message畀阿健：『喂，你呢排睇緊邊個AV女優呀？』
健：『做乜…問埋我啲咁嘅嘢。』加個一字面。
我：『無聊囉，想搵下新感覺。』
健：『咪玩啦，乜你條友要靠睇AV㗎咩？！』




我：『咪玩啦！我單身咗半年有多喇！』
健：『你就咪玩，想要女咪溝韻婷囉。』
吓，原來連佢都咁覺得，呢鋪真係幾遴迍下。
我：『點解你會覺得我應該溝佢呢？』
健：『你同佢日日都有講有笑啦，之前就話Queenie溝唔起，而且有仔啫，而家有個黃花閨女坐你隔離，唔係重要考慮呀？』加個笑到喊。
我：『先識咗一排，唔係幾好嘅。』
健：『有乜唔好，你以前喺球場YO女要諗嘅咩，大波妹，正常樣，易呃易氹，唔係咩？』
我：『遲啲先算啦，你答咗我條問題先。』
健：『深田詠美呀，煩。』加個無眼睇。
我：『咁…大路嘅…』深田詠美即天海心，三上悠亞即鬼頭桃菜，桃乃木香奈即松鳩真麻；一堆改造人，標準身材，倒模東京渋谷樣，睇來睇去都係咁，你唔悶我都悶。最尾補多句，小弟都係學淘淵明質性自然，不喜矯揉造作，好似QQ咁就啱。




健：『大路易搵吖嘛，想點呀？知你睇厭咗細路女，你都係睇六十路吧啦！』加隻舉中指。
我：『Sorry，係掉返轉，十六路先啱我。』
無錯，我喺度等緊QQ十六歲。
健：『屌，考完mid term諗住約Kuromi打下傳說，點知佢今晚唔得閒。』加個喊樣。
係喎，QQ話佢今晚有嘢忙，唔知做乜呢？
我：『再約啦，到公司喇。』
健：『係喎，你要返工，頂你搵我攝時間…』