但係妳又用人哋角色嚟做名喎,睇嚟女神為咗形象創造係會無所不用其極。
我:「原來Queenie真係解做Queen…」
Q:「乜呀,唔關我事呀,隨便改個名咋嘛,你咁上心做乜啫,不如諗下點幫我個頭像加個Spade Queen啤牌嘅框重好啦。」
我:「好易啫,咪copy and paste囉,但係妳幅頭像咁粉,會唔會覺得唔太襯Spade Queen呢隻牌?」
如果我揀,一定畀Heart Queen佢,因為sweet heart吖嘛,Spade Queen就襯Uranus多啲,Zilvia咁冷酷內斂按道理係Club Queen,剩返三尖八角嘅Yvonne就係Diamond Queen…
而我,應該唔係J又唔係K,只係一隻Joker…
Q:「你咁講又有道理,但…我無件黑色嘅衫可以做到同一個效果喎…喂,你可唔可以淘寶㗎?」
我:「可以嘅…錢問題嚟啫…要入錢落Alipay囉。」
Q:「咁就啱,畀個任務你,你咁鍾意睇女,幫我去淘幾套衫,要睇到啲毒撚流鼻血嘅。」
我:「吓…我邊識喎,睇我就叻,買衫我唔掂㗎。」


重要將呢個重任落喺一個平時極少買衫只會hea著嘅窮鬼屋邨仔度,叫我情何以堪。
Q:「你唔好推搪,我研究過你個harddisk,入面有水手校服,動漫cosplay,PE衫褲,劍道服裝,西餐廳侍應,女僕,乜OL新人,女子和服旅行,SOD社員,護士,空姐,一般男女…應有盡有,我絕對相信,你係透徹瞭解男人想睇乜。」
我雖然唔介意,但點解佢好似重清楚過我咁…
我:「其實…佢哋只係想睇女仔除衫。」
Q:「無呀!正經直播嚟㗎,你成日話我靚,而家就畀個機會你幫我扮靚靚,想睇我著乜都得。」
我:「我想睇…妳沖完涼出嚟嗰陣最靚。」
Q:「你不如話我沖緊涼嗰陣最靚。」
我:「唔係…係喺被竇入面咿咿吖吖嗰陣最靚。」
俾我咁講,佢突然面都紅埋,原來佢重識怕醜。
Q:「唔理呀…總之交畀你,我唔識買呢啲衫…」


我:「都可以嘅,但我好驚買唔啱嘥晒啲錢。」
Q:「所以先叫你去淘寶咋嘛,如果唔啱咪求祈掉返上網賣畀人囉,嗱,最多咁啦,你買完之後我試衫,畀你第一個幫我影返輯寫真先,有動力未?」
我:「真係㗎?係咪乜嘢pose都得先…」
聽到佢咁講,我即刻雙眼發光。
Q:「咁我信得過你人格嘅…但係唔準俾其他人睇到㗎,加埋啲相我要攞返嚟用。」
已有 0 人追稿