我怎可能是女神👸🏻獵人🏹（第一季更新至斷更為止）: 690

健：「欸…唔識計住呀！聽日先算啦…」
我：「你鍾意啦，重諗住可以唔使畀隔夜拆息。」
健：「你就想呀！已經過咗十二點好耐喇。」
我：「咁…你屋企人無鬧你吖嘛。」
健：「就㗎喇，已經send咗好多次message嚟。」
「啲喥啲喥…啲喥喥…」一講曹操，娘親就到。
健：「喂…係呀，同阿爽一齊…知道喇，好快…」
我：「畀我吖。」我打咗個眼色，叫佢畀部電話我，等我同佢拆掂。
我：「伯母，我係阿爽呀，捉住咗阿健咁耐，實在係好對唔住！」
「噢，呀爽，你兩個做乜玩到咁夜唔返屋企呀？」




我：「我哋唔係玩呀，聽日有個小測，我自己溫唔掂，阿健啲成績一向幾好，我搵佢救我咋，如果唔係佢幫我都唔知點算，麻煩咗咁耐我咪請佢食甜品囉，好快，食埋兩啖佢就會返嚟㗎喇。」
「呀，乜你哋咁勤力呀…」
我：「係呀…如果我唔勤力，就未必入到阿健嗰班㗎喇，得返幾個月，我要追上佢，我唔想無咗佢呢個好朋友呀，係得佢肯教我讀書…」
「咁…好啦，食完快啲返。」然後畀返阿健。
健：「嗯，係…係…佢之前懶嘛…bye bye。」
我：「嘻嘻，希望你阿媽會覺得阿仔有作為啦。」
健：「你真係乜都可以隨口噏，服咗你。」
我：「我都係唔想你俾人雙天哦啫，不過我唔係亂噏得晒㗎，今次真係多得你幫我。」
蚊：「係呀，好彩有你，如果唔係我都唔知點好，小女子唔會忘記你嘅恩情。」
健：「客乜氣…朋友嘛…唉…」




我：「做完好事，做乜重咁無嚟心機。」
健：「你點會唔知，都咁樣…重send張相過嚟。」
我：「咁唔係幾好咩，定係你想佢唔理你？」
健：「我真係寧願佢唔理我，都唔知為乜，我又唔使佢可憐嘅，佢又唔係唔知自己高高在上…」
我：「平常心啦，女人嘅嘢，當佢無到就得。」
健：「唉，我唔係你嘛…」
蚊：「阿健你重係A0呀？」
健：「好明顯呀，我有邊忽似拍過拖？」
蚊：「好似好慘慘豬咁。」
健：「係慘豬呀…無咪算囉，重要俾人玩。」




蚊：「見你對我有恩，使唔使我幫返你？」
健：「幫…幫乜嘢呀？」
細蚊佢含住隻膠羹，右手做出套弄戳嘅動作。
健：「黐…黐線嘅咩…無端端搞呢啲…」
蚊：「咁大個仔都未掂過女人係有啲慘嘅，我唔介意出於好心幫你解決享受下。」
健：「吓…吓…咪傻啦…唔使，食完…我走先，bye！」然後佢掉咗個膠兜就揮揮手走人。
蚊：「又會咁怕醜都有嘅，又唔係要收佢錢。」
我：「佢係咁㗎喇，差唔多啦。」
蚊：「睇佢個樣…真係叫雞，搵PTGF都唔敢嗰啲嚟，對住女仔褲都唔好意思除。」
我：「咁佢又真係未試過，唔識都正常。」