我怎可能是女神👸🏻獵人🏹（第一季更新至斷更為止）: 695

Q：「起身喇！死人頭，夠鐘返學喇！」已經換好晒全套校服嘅QQ，一手抽起咗我張被，由於開咗冷氣嘅關係，我竟然覺得有少少凍。
我：「我唔想返學呀…」
我琴晚做咗乜？已經唔記得晒，剩係知道兩點幾先返到屋企，成三點先攤落床。
Q：「你自己決定返唔返學啦，唔知你想點呀，我又幫唔到你請假，都唔知你琴晚做乜咁夜先返。」
我：「去咗偷食咪夜啲先返囉。」
Q：「呵，咁開心？！又有啤酒妹陪你開工呀？有無做足安全措施？射咗幾多Q？」
我：「有呀，我幫佢隻手錶set到去安全期先中出佢，偷懶一Q斟滿咗就算…」
Q：「唔得閒同你癲，我出門口先。」
如果真係有Angel姐姐，我諗我或者會逃課去搵佢，因為沉迷姐姐唔可以話我花心，只係一隻迷途羔羊受到惡魔嘅引誘，其罪可恕。
結果我咪又係返咗學，都唔明點解我會咁乖。




然後到咗中午，又係搵健康兩個食飯嘅時候。
可能大家會問我有無同Wendy食晏，其實同佢已經食過三次，不過我哋都係小心腋腋，無乜特別事情發生，所以就此帶過。
我：「點呀，隔夜拆息要食乜呀？」
健：「是但啦…學生餐…我都唔想諗。」
我：「咁大嘥，得一餐㗎咋，唔好諗住迫我拖多幾日收貴啲。」
健：「得啦…我都無乜胃口，好唔夠瞓…」
康：「乜嘢拆息？你哋琴日做賊嚟呀，做乜好似好攰咁嘅，第一次見阿健你俾先生鬧上堂瞓覺。」
健：「呢條友好帶挈囉，真係搵著我嚟搞。」
康：「佢琴晚唔係返工咩？唔夠人手搵埋你去幫手？」估唔到佢嘅推測係咁正常而合理。
健：「係就好呀，就係佢自己去咗返工，要我幫佢執埋啲蘇州屎手尾。」




康：「係乜嘢手尾咁難哽，重要搞到三更半夜？」
健：「點呀，講唔講得㗎？」
我：「無所謂呀，我同佢而家又無乜關係，琴晚細蚊無車錢返屋企，我叫佢幫手接人啫。」
其實又有乜唔講得，以前我同細蚊點玩佢哋都略知一二，如果唔係又點會為我帶嚟優越感。
康：「估唔到你同佢重有聯絡喎。」
我：「咪就係普通朋友咁囉，無乜特別。」