我怎可能是女神👸🏻獵人🏹（第一季更新至斷更為止）: 724

「表白啦！我就唔信佢會即刻請你食檸檬。」
B：「喂呀！我唔係妳哋消遣嘅工具呀！」
「咪咁緊張啦，玩下咋嘛，難得有妳一個女仔喺度…如果唔係實悶到發癲。」
B：「搵返你哋啲副社長、文書、財政同康樂嚟玩啦，明明就成堆女喺度。」
「唔得㗎，以權謀私傳出去死都唔掂。」
「同埋好易出事㗎，啲妹妹仔認真起上嚟…」
「唔廢話喇！謦正經嘢，我哋要對晒咁多form嘅考試期同試後活動時間表嚟定時間，如果撞咗班大帝又會阿吱阿咗。」
睇嚟，我發現咗啲好緊要嘅無謂嘢。
因為，無論點都唔關我事，最多我只可以喺對綠社嘅時候踢得hea啲，但我又唔想太過樣衰俾人鬧；好可能，QQ同埋韻婷會嚟睇下，我實在唔想俾佢兩個笑，今次真係兩難嘞。
返到屋企，我仍然滿腦子纏繞住呢個問題。




我：「Queenie，如果有人畀二千蚊妳，要妳同佢打茄輪，咁妳會點睇？」
Q：「你又喺度諗埋啲乜古怪嘢？」
我：「無呀，空想嚟啫，想知啲女仔會點諗。」
Q：「好空泛喎，我又唔知點解條仔想惜我，又唔知佢係乜人，又唔知佢靚唔靚仔，又唔知佢有無口臭，又唔知佢會唔會周圍唱我…」
我：「咁…如果係妳fans，中上樣，身體健康，好人，唔會中傷妳，淨係想同妳惜呢？」
Q：「好OK吖，二千蚊打個茄輪無乜問題，莫講話惜，五千蚊幫佢J埋都得，鬼叫我等錢使。」
我：「吓，乜原來真係咁㗎？！」
Q：「你唔好發夢啦，如果條仔真係你形容到咁好，會唔會追直播女呀，而且有咁嘅條件自己溝女都唔係難，何解要畀咁多錢嚟惜一啖，一係就佢哋唔止係為咗惜，而係另有企圖…你諗下啦，如果市面上有咁多呢啲好生意，我作為一個女仔幫人J四五次已經等於一個大學畢業生嘅收入，咁我好應該犧牲一日尊嚴嚟換取成個月嘅休閒，況且你講到佢哋翩翩君子又好樣，咁已經差唔多變成消遣活動，而唔係出賣尊嚴。」
我：「咁又係，好似無咁大隻蛤乸隨街跳。」
Q：「你諗埋啲乜呀，想搵PTGF？」




我：「點會喎，我先唔會嘥錢喺呢啲地方，同埋…我都無需要掛？」雖然，眼前呢個咁可愛嘅女仔係一個遙不可及嘅夢想，但我都絕不會喺佢面前認低威話自己溝唔到女。
因為，我無女嘅原因其實就係因為妳。
Q：「知你受歡迎喇…定係，你覺得使咗好多錢喺我身上，好似自己蝕咗心理唔平衡？」
我：「點會，我幫妳…係真心，不求回報。」
Q：「如果你覺得委屈，可以隨時嚟㗎喎，我的確係欠咗你，我唔會嬲嘅。」
我：「真係唔會，我係惜妳，只會用心嗰隻。」
呢個時候QQ行咗嚟我面前，哄到好近。