我怎可能是女神👸🏻獵人🏹（第一季更新至斷更為止）: 727

車：「哦，你係話佩琪呀？」
我：「應該係，我都唔知佢中文名。」
車：「做乜呀？見人大波妹就想攪人哋呀？」
我：「唔係呀！我對佢無乜興趣㗎咋…」
車：「係咩？你個樣好可疑喎。」
我：「點會呢，喺我心目中妳先係完美嘅大波姐姐，試過妳之後…其他都唔會再吸引到我。」
車：「口甜舌滑…邊個教到你咁…做乜無端端問我識唔識佩琪，好似佢都唔識你㗎喎。」
我：「啊，妳又知佢唔識我？」
車：「嗰陣同你玩埋一齊，唔係好知你係點，咪問過同你同一間嘅學校嘅佢識唔識你囉。」
我：「哦，咁而家…先叫同佢識識地，我想問下，妳知唔知道佢嘅戀愛經驗？」




車：「你條仆街仔，重話唔係對佢有興趣？」
我：「真係唔係呀，法官大人…只不過，我留意到啲嘢，覺得幾有趣，咪關心下咁囉。」
車：「有乜咁有趣呀？想揸人哋對波呀？」
我：「唔係囉，不過大波妹就係人都想揸㗎啦。」
車：「唔想理你條鹹濕仔，擺到明想抽人哋水。」
我：「無啲咁嘅事，抽過妳就夠嘞，就算再想抽水都係搵返妳好啲。」
車：「係咪呀，咁你屋企條女神又點計？」
我：「我對住佢，都係好守規則，以禮相待，無越雷池半步㗎。」當然，QQ默許畀我用佢身體嚟打飛機嘅事我無諗住同佢講，妳情我願亦唔算抽水…
車：「佩琪，即係你口中嘅Bubble師姐，據我所知，係單身A0，異性戀，處女嚟，有性需要，下面會唔會俾佢隻手定玩具開發晒就不得而知。」
我：「呀，又會咁順攤講晒我知嘅？」




車：「見係你，都尚算信得過嘅…你想追佢或者想同佢玩啲乜花樣我唔會理，但係如果你敢呃人哋隻豬，又或者整喊人，俾我知道嘅話你就死得。」
我：「真係無咁嘅打算喱，應該咁講，只要個女神一日重留喺我屋企度，其實我乜都做唔到。」
車：「講到自己咁專一，以為自己情聖咩，我就唔撚信你係咁乖，如果係咁你又八嚟做乜？」
我：「其實，係得個知字咋，或者睇下有無方法幫到佢，總之唔係為咗自己啦。」
車：「幫佢咁偉大？解決佢嘅性需要呀？」
我：「佢又唔係妳，有乜可能喎…我想問，我同埋細蚊嘅事，妳會唔會嬲我㗎？」
車：「嗯？我點解要嬲你呀？」
我：「會唔會覺得我呃咗佢隻豬，或者整喊佢？」
車：「咁點同，佩琪係正經女仔嚟，你唔專登呃佢佢又點會蝕底畀你，但係細蚊個人擺到明是但，成日亂咁嚟，做嘢又唔經大腦，唔係我講兩句就會改變到佢，就算唔係益你咪又係益第二個，所以咪由得你哋囉，如果我存心要阻你搵食，你覺得你重會唔會識到佢吖嗱？」